Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jeńildetilgen avtonesıe rezervinde 8 myń kólik bar

2022 jyldyń 23 mamyr 2022 13:54

NUR-SULTAN. QazAqparat – Jaz aılarynyń basynda jeńildetilgen avtonesıe aıasynda avtomobıl jetkizý artady. Bul jaıynda Qazaqstannyń avtobıznes qaýymdastyǵynyń ókili Erbol Seıpilov málim etti, dep habarlaıdy QazAqparat tilshisi.

«Alǵashqy kúnderi Hyundai zaýyty 1,8 myńnan astam avtomobılmen qamtamasyz etip, olar birden brondaldy. Taǵy da 2,5 myńnan astam avtomobıl jetkizý josparlanyp otyr. Shildeden bastap aı saıyn 4 myńnan astam Hyundai kóligi jetkiziledi», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, «Saryarqa avtoónerkásip» zaýytynda da jaǵdaı osyndaı.

«Saryarqa avtoónerkásipte» 32 kólik túri bar. Olardyń Qazaqstandaǵy avtosalondarda 4 myńnan astam kóligi tur. Zaýytta taǵy 3,5 myńnan astam avtomobıl daıyn. Maýsym aıynan bastap 6,9 myńnan astam avtomobıl jetkiziledi», - dedi Erbol Seıpilov.

Al Qazaqstannyń avtobıznes qaýymdastyǵynyń strategııalyq josparlaý jónindegi dırektory Qaırat Elamanov qazirgi ýaqytta 8 myń avtomobıldiń rezervte turǵanyn aıtady.

«Olardyń basym bóligi - Chevrolet. Óıtkeni, sońǵy aılarda osy markanyń tanymaldyǵy artty. Odan keıingi oryndarda - Hyundai, Kia, Jac, «Lada» kólikteri tur. Avtomobıl jetkizýge qatysty aıtar bolsaq, zaýyttar óz josparlarymen jumys istep, múmkindiginshe óndiris kólemin arttyrýda. Jalpy, apta saıyn dılerlik ortalyqtarǵa kólikter jetkizilip jatyr. Sondyqtan da rezervtegi 8 myń avtomobıl búkil baǵdarlamaǵa jasaqtalmaǵan. ıAǵnı, apta saıyn avtosalondarǵa jańa kólikter jetkiziledi», - dedi ol.



Avtor Marlan Jıembaı
Basty sózder: Nur-Sultan, Avtonesıe, Baǵa,
Joǵary qaraı