Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Jenevada Armenııa men Ázerbaıjannyń SІM basshylarynyń kezdesýi aıaqtaldy

2020 jyldyń 31 qazan 2020 08:45

JENEVA. AZERTADJ - ARMENPRESS - TASS- QazAqparat - Jenevada Armenııanyń Syrtqy ister mınıstri Zograb Mnatsakanıan men Ázerbaıjannyń Syrtqy ister mınıstri Djeıhýn Baıramovpen kezdesýi aıaqtaldy.

Armenııanyń Syrtqy ister mınıstrliginiń baspasóz hatshysy Anna Nagdalıannyń Armenress agenttigine málim etýinshe, Armenııanyń Syrtqy ister mınıstri Zograb Mnatsakanıannyń Baıramovpen kezdesýi Mınskiniń EQYU-daǵy tobynyń teń tóraǵalarynyń qatysýymen Jenevada Erevan ýaqyty boıynsha saǵat 17:00-de bastaldy.

Onyń aldynda Mnatsakanıan Mınskiniń EQYU-daǵy tobynyń teń tóraǵalarymen jáne EQYU-nyń is basyndaǵy tóraǵasynyń jeke ókili Andjeı Kasprshıkpen kezdesý ótkizdi.

AZERTADJ agenttigine Syrtqy ister mınıstrliginiń baspasóz qyzmeti basqarmasynyń habarlýynsha, kezdesý barysynda Djeıhýn Baıramov shıelenisti halyqaralyq quqyq pen normalar jáne BUU-nyń Qaýipsizdik Keńesiniń, halyqaralyq uıymdardyń qujattarynyń talaptaryna saı retteý baǵytyndaǵy Ázerbaıjannyń pozıtsııasyn usyndy.

Gýmanıtarlyq sharalar týraly aıta kele, Djeıhýn Baıramov Ázerbaıjan usynyp otyrǵan konstrýktıvti kózqarastyń mańyzdylyǵyna nazar aýdardy.

Osy rette ol ázerbaıjandyqtardyń Armıan tarapyna qaıtys bolǵan adamdardyń máıitteri men qart áıeldi tapsyrǵanyn eske saldy.

Djeıhýn Baıramov Armenııa tarapynyń beıbit turǵyndar men eldi mekenderdi atqylaýy halyqaralyq gýmanıtarlyq quqyqtarǵa qaıshy ekenin eskertti.

TASS agenttigi Ázerbaıjan men Armenııa tarapynyń juma kúni Jenevada ótken kezdesý barysynda Taýly Qarabaqtaǵy atysty toqtatý baǵytynda birqatar shara qoldanatyn bolyp keliskendigin jazdy.

Bul rette taraptar el turǵyndary men áskerı emes nysandarǵa qarý qoldanbaıtyn boldy. Bul týraly Eýropadaǵy qaýipsizdik pen yntymaqtastyq uıymynyń baspasóz qyzmeti habarlaǵan.

Málimdemede Mınskiniń EQYU-daǵy tobynyń Reseı, Frantsııa jáne AQSh tarapynan usynylǵan teń tóraǵalary 30 qazan kúni Armenııa men Ázerbaıjannyń Syrtqy ister mınıstrlerimen jeke jáne birlesken kezdesýler ótkizgenin habarlady.

Olar sonymen qatar, EQYU tóraǵasynyń jeke ókili Andjeı Kaspshıkpen, BUU-nyń bosqyndar jónindegi Joǵary komıssary Fılıppo Grandımen jáne Halyqaralyq Qyzyl Krest komıtetiniń prezıdenti Peter Maýrermen konsýltatsııalar ókizgen.

Mınskiniń EQYU-daǵy tobynyń málimdemesinde taraptardyń halyqaralyq gýmanıtarlyq quqyq talaptaryna sáıkes, beıbit turǵyndar men áskerı emes nysandardyń nysanaǵa almaıtyny aıtylǵan.

«Taraptar urysta qaıtys bolǵandardyń máıitterin almasý jumystaryn belsendi júrgizbek. Bul rette olar Halyqaralyq Qyzyl Krest komıtetine jáne EQYU-nyń jeke ókiline birlesken qımyldar kezinde qaýipsizdikke kepildik beriletinin málimdedi. Taraptar apta ishinde Halyqaralyq Qyzyq Krest komıteti men EQYU-nyń jeke ókiline ashyqtyqty qamtamasyz etý úshin tutqyndar týraly málimetterdi beredi» -delingen EQYU-nyń málimdemesinde.


Avtor Aıdar Ospanalıev
Basty sózder: Álem, Halyqaralyq uıymdar,
Joǵary qaraı