Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jeltoqsan oqıǵasyna qatysqan elordalyqtarǵa áleýmettik kómek kórsetý jobasy maquldandy

2021 jyldyń 24 qarasha 2021 12:30

NUR-SULTAN. QazAqparat – Nur-Sultan qalasynyń málıhat depýttatary Jeltoqsan oqıǵasyna qatysqan elordalyqtarǵa áleýmettik kómek kórsetý jobasyn maquldady, dep habarlaıdy QazAqparat tilshisi.

Qalalyq máslıhattyń kezekten tys sessııasynda «Nur-Sultan qalasynyń áleýmettik kómek kórsetý onyń mólsherlerin belgileý jáne muqtaj azamattardyń jekelegen sanattarynyń tizbesin aıqyndaý qaǵıdasy týraly Astana qalasy málıhatynyń 2017 jylǵy 12 jeltoqsandaǵy sheshimine ózgerister engizý týraly» sheshim jobasy daýysqa salyndy. Qujatty Nur-Sultan qalasynyń Jumyspen qamtý jáne áleýmettik qorǵaý basqarmasynyń basshysy Sáýle Nurǵojına tanystyrdy.

Ákimdik ókili joba boıynsha áleýmettik qoldaýdyń mynadaı sharalaryn usyndy. Olar:

- Konstıtýtsııa kúnine oraı zeınetkerler men birjolǵy tólem alýshylar arasynan Semeı ıadrolyq synaq polıgonynan zardap shekken tulǵalarǵa 2 AEK mólsherinde birjolǵy áleýmettik kómek kórsetý;

- Aýǵanstandaǵy áskerı qımyldarǵa qatysqan ardagerlerge, Chernobyl AES-indegi apattyń saldaryn joıýǵa qatysqany úshin alatyn jeńildikter áskerı qımylǵa qatysýshylarmen teńestirilgen tulǵalarǵa ataýly kúnderde beriletin áleýmettik kómektiń mólsherin 30 AEK-ke deıin ósirý;

- 1986 jyldyń 17-18 jeltoqsanyndaǵy oqıǵalarǵa qatysqan, «Jappaı saıası qýǵyn-súrgin qurbandaryn aqtaý týraly» QR zańynyń tártibi boıynsha aqtalǵan saıası qýǵyn-súrgin qurbandaryna sanatorııalyq-kýrorttyq emdeý, kommýnaldyq qyzmetterdi óteý qyzmetin kórsetý;

- Áleýmettik mańyzy bar syrqatqa shaldyqqan adamdarǵa qatty otyn satyp alý úshin áleýmettik kómek berý.

Máslıhat depýtattary sheshimdi biraýyzdan maquldap daýys berdi.


Joǵary qaraı