Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jel, shańdy daýyl, úsik: 25 qyrkúıekke arnalǵan aýa raıy boljamy

2021 jyldyń 25 qyrkúıek 2021 01:34

NUR-SULTAN. QazAqparat - «Qazgıdromet» sınoptıkteri 25 qyrkúıek el aýmaǵynda aýa raıy qandaı bolatynyn jarııalady, dep habarlaıdy QazAqparat.

Qazaqstannyń basym bóliginde antıtsıklon áserinen jaýyn-shashyn jaýmaıdy.

Tek eldiń batysynda, soltústik-batysynda, soltústik-shyǵysynda fronttardyń yqpalymen turaqsyz aýa raıy saqtalady, jańbyr jaýady.

Qazaqstannyń batysynda, ońtústiginde, ortalyǵynda jel kúsheıedi. Al ońtústik-batysynda shańdy daýyl soǵady. Respýblıkanyń soltústiginde tuman baqylanady.

Kúndiz Almaty oblysynyń Jalańashkól aýdanynda jel qarqyny 15-20 m/s deıin kúsheıedi.

Jambyl oblysynyń soltústik-shyǵysynda, Túrkistan oblysynyń taýly aýdandarynda jáne batysynda, Qyzylorda oblysynyń túnde ortalyǵynda, kúndiz basym bóliginde, Atyraý oblysynyń soltústiginde jáne shyǵysynda, Batys Qazaqstan oblysynyń ońtústiginde, ortalyǵynda jáne soltústik-shyǵysynda, Aqtóbe oblysynyń túnde batysynda, kúndiz basym bóliginde, kúndiz Qaraǵandy oblysynyń batysynda jáne ońtústiginde jel ekpini 15-20 m/s jetedi.

Qyzylorda oblysynda shańdy daýyl turady.

Mańǵystaý oblysynyń batysynda, soltústik-batysynda jáne soltústik-shyǵysynda sekýndyna 15-23 metr jyldamdyqpen kúshti jel soǵady.

Túnde jáne tańerteń Aqmola oblysynyń shyǵysynda, Soltústik Qazaqstan oblysynyń soltústik-batysynda, Pavlodar oblysynyń ońtústiginde tuman túsedi.

Túnde Almaty oblysynyń soltústiginde, taýly aýdandarynda 1-3 gradýs úsik júredi.

Jambyl oblysynyń taýly aımaqtarynda topyraq betinde 1-3 gradýs úsik júredi.


Basty sózder: Aýa raıy, Qazgıdromet,
Joǵary qaraı