Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jekeshelendirý: Qazaqstanda 50 mlrd teńgege 149 nysan satyldy

2021 jyldyń 12 qazan 2021 12:00

NUR-SULTAN. QazAqparat – Jekeshelendirýdiń 2021-2025 jyldarǵa arnalǵan keshendi jospary aıasynda 149 nysan senimgerlik basqarýǵa berilip, 7 nysan taratyldy. Bul týraly QR Qarjy mınıstri Erulan Jamaýbaev Úkimet otyrysynda málim etti, dep habarlaıdy QazAqparat tilshisi.

«Jekeshelendirýdiń 2021-2025 jyldarǵa arnalǵan keshendi josparynda 733 obektini satý kózdelgen.

Esepti kezeńde somasy 50 mlrd teńgege 149 obekt satyldy jáne keıinnen satyp alý quqyǵymen senimgerlik basqarýǵa berildi. 120 obekt satylymǵa qoıyldy. 7 obekti taratylady. Aldaǵy ýaqytta 397 obektini ótkizý kerek», - dedi veomstvo basshysy Úkimet otyrysynda.

Sondaı-aq, ol Úkimet otyrysynda memlekettik satyp alý baǵytynda júrgizilgen kameraldyq baqylaýdyń qorytyndylaryn baıandady.

«Bıylǵy 9 aıdyń ishinde 5,7 trln teńgeniń 675 myńnan asa memlekettik satyp alý rásimi kameraldyq baqylaýmen qamtyldy. Tekserýler qorytyndysynda 32,4 myń rásim boıynsha buzýshylyqtar anyqtalyp, olardy joıý týraly jiberilgen habarlamanyń 98% oryndaldy. Aýdıtorlyq is-sharamen 1 trln 671 mlrd teńgeniń bıýdjet qarajaty qamtylyp, 155 mlrd teńge somasyna qarjylyq buzýshylyqtar anyqtaldy», - dedi mınıstr.


Joǵary qaraı