Jeke turǵyn úı qurylysyna jer alý protsedýrasy avtomattandyrylady
NUR-SULTAN. QazAqparat - Jeke turǵyn úı qurylysy úshin jer ýchaskesin alý avtomattandyrylady. Bul týraly búgin Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.
«Jeke turǵyn úı qurylysy úshin jer ýchaskesin alýǵa kezekke qoıý qyzmetin alsaq, qazir ol úshin azamat qaǵaz túrinde ótinish berýi qajet. Kezekte turǵandar jáne alańdary daıyn jer ýchaskeleri týraly aqparat toqsanyna bir ret jańartylady jáne ol aqparat ár óńirde ártúrli qoljetimdi», - dedi mınıstr.
Sonymen qatar ol biryńǵaı avtomatty túrde jańartylatyn elektrondy kezek tizilimi joq ekendigin basa aıtty.
«Árıne, osyndaı protsester jemqorlyq qaýipterin týdyrýy múmkin jáne zamanaýı kezeńge saı kelmeıdi. Ol úshin qyzmet kórsetý protsesin biryńǵaı memlekettik kadastrmen elektrondy úkimet portaly arqyly avtomattandyrýy jáne biryńǵaı kezek tizilimin qurýdy usynamyz», - dedi Baǵdat Mýsın.
