Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jeke kýálikti joǵaltqan jaǵdaıda ne isteý kerek

2021 jyldyń 7 jeltoqsan 2021 09:29

NUR-SULTAN. QazAqparat - Polıtseıler jeke kýálikti joǵaltqan jaǵdaıda ornyna jedel jańa qujat alý joldaryn túsindirdi, dep habarlaıdy QazAqparat.

Jeke zattardy joǵaltý jaǵdaılary jıi kezdesedi. Mundaı keleńsiz jaǵdaılarǵa kez kelgen adam tap bolýy múmkin. Ásirese adamdar jeke kýálikterin jıi joǵaltyp jatady.

Osyǵan oraı Shyǵys Qazaqstan oblystyq polıtsııa departamenti jeke kýálikti joǵaltqan jaǵdaıda ne isteý kerektigin túsindirdi.

Qazaqstan Respýblıkasynyń halqyn qujattandyrý máselesi boıynsha memlekettik qyzmet kórsetý qaǵıdalaryna sáıkes, Qazaqstan azamattary jeke basyn kýálandyratyn qujattaryn joǵaltqan jaǵdaıda jańa qujat alý úshin turaqty tirkelgen jerine nemese «Azamattarǵa arnalǵan úkimet» memlekettik korporatsııasynyń halyqqa qyzmet kórsetý ortalyǵyna turǵylyqty mekenjaıy boıynsha júginedi.

Qazaqstan azamatynyń jeke kýáligin qalpyna keltirý úshin:

-joǵalǵan jaǵdaıda joǵaltý mán-jaıyn kórsete otyryp, jeke basyn kýálandyrýdy qalpyna keltirý týraly jazbasha ótinish. Urlanǵan jaǵdaıda qujatty urlaý nemese urlaý týraly ótinishti qabyldaǵan qylmystyq tergeý organynan (aýdandyq polıtsııa basqarmasy) talon-habarlama qajet;

- memlekettik bajdy tóleý týraly qujat (memlekettik bajdy tóleýden bosatylǵan tulǵalar rastaıtyn qujatty usynady);

- Qazaqstan Respýblıkasynyń pasporty (bolǵan jaǵdaıda).

Jeke kýálikti berý merzimi - 15 jumys kúni.

Azamattyń qalaýy boıynsha qyzmet jedeldetilgen merzimde 3-ten 7 jumys kúnine deıin kórsetilýi múmkin.


Joǵary qaraı