Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jazǵy lagerge ótinish Egov portaly arqyly qabyldanady

2022 jyldyń 23 mamyr 2022 10:32

ATYRAÝ. QazAqparat – Atyraý oblysynda jazǵy lagerler balalardy qabyldaýǵa daıyndalyp jatyr, dep habarlaıdy QazAqparat.

Oblystyq bilim basqarmasy basshysynyń mindetin atqarýshy Aınagúl Dúısekenovanyń málimetinshe, 163 mektep janynan lager ashylady.

Buǵan qosa 3 demalys lagerinde balalardyń jazǵy demalysy uıymdastyrylady.

Qazir Atyraý qalasy mańyndaǵy Talǵaıran aýylynda ornalasqan saýyqtyrý ornynda jóndeý jumystary júrip jatyr.

Jóndeý jumystaryn maýsym aıyna deıin tolyǵymen aıaqtaý kózdelip otyr. Dál osyndaı jumystar Mahambet pen Inder aýdandaryndaǵy lagerllerde de júrgizilýde.

«Ótken oqý jylynda pandemııaǵa baılanysty balalardyń jazǵy demalysyn tolyq uıymdastyra almadyq. Sol sebepten bıyl balalardy kóbirek qabyldaýdy josparlap otyrmyz. Árıne, birinshi kezekte lagerlerge az qamtylǵan, kóp balaly otbasylardyń balalary jiberiledi. Qazir bilim basqarmasy ótinish qabyldaýdy bastady. Ata-analardan ótinish Egov portaly arqyly qabyldanady. Tizim keıinirek jarııalanady», -deıdi oblystyq bilim basqarmasy basshysynyń mindetin atqarýshy Aınagúl Dúısekenova.

Onyń aıtýynsha, oblysta oqýshylardyń jazǵy demalysy mektepterde de uıymdastyrylady.

Mektepter maýsym aıynyń basynda oqýshylardyń alǵashqy legin qabyldaıdy. Ár lagerge keminde 50 balany qabyldaý josparlanǵan.

Eske sala ketelik, budan buryn Atyraýda mektep dırektory bıznespen aınalysyp, zańsyz tabys tapqanyn jazǵan edik.


Avtor Bek Mustafa
Basty sózder: Bilim, Bala, Oqýshy, Mektep, Atyraý oblysy,
Joǵary qaraı