Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jaıylymdyq jer máselesi aýyl turǵyndary úshin óte ózekti bolyp tur - Máýlen Áshimbaev

2021 jyldyń 3 jeltoqsan 2021 10:47

NUR-SULTAN. QazAqparat – Senat tóraǵasy Máýlen Áshimbaev aýyl sharýashylyǵy salasyna qatysty zań jobalary týraly aıtty, dep habarlaıdy QazAqparat tilshisi.

«1995 jyldan bastap aýyl sharýashylyǵy ónimderiniń jalpy kólemi 4,5 ese ósti. Aýyl sharýashylyǵy daqyldarynyń ónimdiligi 2 esege artty. Qazaqstan shetelge 7 mln tonnaǵa deıin bıdaı shyǵarý arqyly, álemdegi eń iri eksporttaýshylardyń qataryna qosyldy. Sońǵy 5 jylda aýyl sharýashylyǵy taýarlarynyń eksporty 50 paıyzǵa ulǵaıdy. Sondaı-aq, agroónerkásip keshenin damytýǵa arnalǵan aýqymdy baǵdarlamalar iske asyryldy. Aýyl sharýashylyǵy ónimin óndirýshilerdi qoldaý úshin aıtarlyqtaı qarajat bólinýde. Memleket basshysynyń byltyrǵy jáne bıylǵy Joldaýlarynda aıtylǵan tapsyrmalarǵa sáıkes naqty jumystar qolǵa alyndy. Sonyń aıasynda qazan aıynda Agroónerkásip keshenin damytýdyń 2025 jylǵa deıingi Ulttyq jobasy bekitildi», - dedi M. Áshimbaev Senatta «Aýyl sharýashylyǵyn damytýdyń ózekti máseleleri men perspektıvalary» taqyrybyna arnalǵan parlamenttik tyńdaýda.

Osy oraıda ol Ulttyq jobany iske asyrý arqyly eńbek ónimdiligin 2,5 esege arttyrý josparlanǵanyn eske saldy. Qaıta óńdelgen taýarlardyń úlesin 70 paıyzǵa deıin jetkize otyryp, agroónerkásip ónimderiniń eksportyn eki ese ulǵaıtý, 500 myńǵa deıin jańa jumys oryndaryn ashý jáne aýyl sharýashylyǵynda eńbekaqyny eki ese kóbeıtý kózdelip otyr.

«Bul josparlardy iske asyrý úshin tıisti quqyqtyq baza qajet ekeni túsinikti. Sondyqtan Parlament agrarlyq saladaǵy reformalardy zańnamalyq turǵydan qamtamasyz etý úshin Úkimetpen birlesip, nátıjeli jumys istep keledi. Búginde Parlament depýtattarynyń bastamashyl bolýymen birqatar zań jobasy daıyndalýda. Solardyń biri - jaıylymdyq jerlerdi paıdalaný jónindegi zańnamaǵa ózgerister engizý. Sońǵy kezderi bul elimiz boıynsha, ásirese, aýyl turǵyndary úshin óte ózekti másele ekeni belgili. Depýtattar bastamashyl bolǵan taǵy bir zań jobasy organıkalyq ónimderge qatysty. Jalpy, organıkalyq azyq-túlik óndirýde bizdiń aýyl sharýashylyǵynyń áleýeti zor. Sondyqtan senatorlar osy baǵyttaǵy memlekettik qoldaýdyń jańa sharalaryn usynyp otyr. Taıaýda depýtattar qabyldaǵan 2022-2024 jyldarǵa arnalǵan respýblıkalyq bıýdjette úsh jyldyq kezeńde aýyl sharýashylyǵyn damytýǵa 524 mlrd teńge qarastyryldy», - dedi Senat tóraǵasy.


Joǵary qaraı