Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jaıyqtyń boıyndaǵy sý qoımalary ortaq rejımmen jumys isteıtin bolady

2021 jyldyń 14 maýsym 2021 12:55

NUR-SULTAN. QazAqparat – Halyq aldynda eseptik kezdesýin ótkizgen Ekologııa, geologııa jáne tabıǵı resrýrstar mınıstri Maǵzum Myrzaǵalıev Jaıyqtyń ekologııalyq problemasy qalaı sheshiletinin túsindirdi, dep habarlaıdy QazAqparat tilshisi.

«Jalpy 2019 jyldan bastap sý az kezeńge tap kelgenimizdi anyq kórip otyrmyz. Birinshi kezekte sý tapshylyǵy Ońtústik pen Batysta qatty sezilip otyr. 2019 jyly Jaıyqta rekordtyq az mólsher baıqaldy. 3,5 myń tekshe shaqyrymnan sál ǵana asty. Al ortasha jyldyq kórsetkish 9 myń sharshy shaqyrym bolýy kerek. ıAǵnı, ortasha esepten 3 esedeı túsip ketken. Byltyr 2019 jylǵa qaraǵanda sál jaqsyraq boldy. Al bıyl vegetatsııalyq kezeńdi byltyrǵydan táýir ótkizemiz dep úmittenemin. Oǵan qajet alǵysharttardyń bári bar», - degen mınıstr atalǵan alǵysharttarǵa jeke-jeke toqtaldy.

«Birinshiden, qazir reseılik áriptesterimizben tyǵyz jumys istep jatyrmyz. Bıyldyń ózinde mınıstrler deńgeıinde 3 ret kezdestik, sarapshylar daúnemi birlesken jumystar júrgizip otyr. Jaıyqtyń problemasyn birlesip zerttep jatyrmyz. Munda ár eldiń óz bıýjeti bar. Bizge kelsek, Jaıyqtyq ekologııalyq rejımin zertteýge 50 mln teńgeden astam qarjy qarastyrylǵan. Eń bastysy, ózenniń gıdrologııasyn zerttep, ózenniń sý qoryna baılanysty boljamdardy naqtylaýymyz, lastaný kózderi men onyń azaıtýdyń joldaryn anyqtaýymyz kerek. Osynyń bárin anyqtap baryp, reseıliktermen birge sý qoımalarynyń ortaq rejımin túzýimiz qajet. Bul sý shlıýzderi etektegi elge ylǵal qajet boǵlan kezde ǵana ashylýyn qadaǵalaý úshin kerek», - dedi Maǵzum Myrzaǵalıev.


Joǵary qaraı