Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jaıyq kıiginiń sany qansha?

2021 jyldyń 10 mamyr 2021 11:57

NUR-SULTAN. QazAqparat – Premer-Mınıstrdiń orynbasary Roman Sklıar Parlament ókilderiniń depýtattyq saýalyna bergen jaýabynda «Bókeıorda» tabıǵı rezervatynyń qurylysy týraly málimet berdi, dep habarlaıdy QazAqparat tilshisi.

«Qazaqstan aýmaǵynda Betpaqdala, Jaıyq jáne Ústirt kıikteriniń álemdik popýlıatsııasynyń 95% -dan astamy mekendeıdi. Búgingi tańda Jaıyq kıikteriniń popýlıatsııasy 217 myń basqa jetti nemese bul Qazaqstandaǵy barlyq kıiktiń 65%-y degen sóz. Jaıyq kıikteriniń tirshilik aıasyn saqtaý úshin Batys Qazaqstan oblysyndaǵy «Bókeıorda» memlekettik tabıǵı rezervatyn jáne Ayózek memlekettik tabıǵı qaýmalyn qurý boıynsha birqatar is-shara júrgizilip jatyr» - dep jazylǵan jaýapta.

Roman Sklıardyń aıtýynsha, Batys Qazaqstan oblysynda tabıǵı rezeravat pen qaýmal qurý úshin zańnamanyń jekelegen talaptaryn oryndaý qajet, onyń ishinde kelesi is-sharalar oryndalǵan:

1) shtattyq sany 78 birlik, jalpy alańy 343 040,1 ga rezervat jáne jalpy alańy 314 504 ga qaýmal qurý úshin tehnıkalyq-ekonomıkalyq negizdeme ázirlendi jáne memlekettik ekologııalyq saraptamanyń qorytyndysy alyndy;

2) «Respýblıkalyq mańyzy bar Ayózek memlekettik tabıǵı qaýmalyn jáne «Bókeıorda memlekettik tabıǵı rezervaty» respýblıkalyq memlekettik mekemesin qurý týraly» Úkimet qaýlysynyń jobasy ázirlendi.

3) Memleket basshysy rezervat pen qaýmaldyń qyzmetin qamtamasyz etý úshin shtat sanyn bólýdi maquldady;

4) Qazirgi ýaqytta 2021 jylǵa arnalǵan rezervat pen qaýmal qurý úshin bıýdjettik ótinim qalyptastyrylyp, ol respýblıkalyq bıýdjet komıssııasynyń qaraýyna engiziledi.

Eske salsaq, Májilis depýtaty Aıjan Ysqaqova Batys Qazaqstan oblysynda «Bókeıorda» memlekettik tabıǵı rezervatyn qurý jobasy nege toqtap qalǵanyn surap, Úkimetke saýal joldaǵan bolatyn.


Joǵary qaraı