Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jataqhanadaǵy órtten kóz jumǵan munaıshylar otbasyna 5 mln teńgeden tólendi

2021 jyldyń 14 qyrkúıek 2021 17:07

AQTAÝ. QazAqparat - «QazMunaıTeńiz» TMK» JShS Boranqul ken ornynda órt saldarynan mert bolǵan eki jumyskerdiń otbasyna materıaldyq kómek retinde 5 mln teńge tóledi, dep habarlaıdy QazAqparat tilshisi.

Sonymen qatar kompanııa óziniń ishki qujattaryna jáne QR zańnamasyna sáıkes ózge de materıaldyq kómek kórsetti. Budan bólek, qazirgi ýaqytta olardyń asyraýynda bolǵan otbasy múshelerine saqtandyrý tólemderin taǵaıyndaý máselesi de pysyqtalýda.

«QazMunaıGaz» UK AQ jáne «QazMunaıTeńiz» TMK» JShS marqumdardyń týystary men jaqyndaryna orny tolmas qaıǵylaryna ortaqtasyp kóńil aıtady.

Esterińizge sala keteıik, buǵan deıin Boranqul ken ornyndaǵy jataqhanadan shyqqan órtten eki adam qaza tapqanyn habarlaǵan bolatynbyz. Oqys oqıǵa Nur-Sultan qalasynyń ýaqyty boıynsha shamamen saǵat 04.55-te Mańǵystaý oblysy «QazMunaıTeńiz» TMK» JShS-ne qarasty Boranqul ken ornyndaǵy eki qabatty jataqhanada bolǵan.



Avtor Qarakóz Marat
Basty sózder: Qoǵam, Oqıǵa, Mańǵystaý oblysy,
Joǵary qaraı