Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Jasyl Qazaqstan» jobasy boıynsha 60 myńǵa jýyq jumys orny ashylady

2021 jyldyń 25 qazan 2021 18:03

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev «Jasyl Qazaqstan» Ulttyq jobasy týraly aıtyp berdi, dep habarlaıdy QazAqparat tilshisi.

«Ulttyq joba «Taza Qazaqstan», «Únemdi Qazaqstan», «Tabıǵat», «Ekologııa bolashaǵy» atty tórt negizgi baǵyttan jáne 11 tapsyrmadan turady. Olardyń aıasynda 19 kórsetkish pen 48 sharany atqarý kózdelgen.

«Jobany iske asyrý halyqtyń naqty kiristerin arttyrýǵa, JІÓ-ni 231 mlrd teńgege ulǵaıtýǵa yqpal etetin bolady. Ulttyq jobany iske asyrýdyń arqasynda 60 myńǵa jýyq jumys orny ashylady», - dedi Serikqalı Brekeshev Ortalyq kommýnıkatsııalar qyzmetinde ótken brıfıngte.

Sondaı-aq, mınıstr barlyq baǵyttar týraly egjeı-tegjeıli aıtyp berdi. Mysaly, «Únemdi Qazaqstan» baǵyty aıasynda 401 arnany qaıta jańartý jáne 212 arnany tsıfrlandyrý esebinen sýarý kezinde sý shyǵynyn 4 tekshe kılometrge azaıtý josparlanýda.

«Ulttyq jobada sýarmaly jerlerdi 600 myń gektarǵa ulǵaıtý boıynsha is-sharalar kózdelgen, qosymsha sýarý kózderin qurý úshin 2025 jylǵa deıin Aqmola, Batys Qazaqstan, Jambyl, Qyzylorda jáne Túrkistan oblystarynda jınaqtaý kólemi 1,7 km3 bolatyn 9 jańa sý qoımasyn salý josparlanýda», - dep atap ótti mınıstr.

Mınıstrdiń aıtýynsha, ulttyq jobany júzege asyrý kólderdegi sýdyń sapasyn jaqsartýǵa, sýarýǵa sý berý kezinde shyǵyndy azaıtýǵa múmkindik beredi. Sonymen qatar, ormandy elimizdiń jalpy aýmaǵyn 5%-ǵa deıin ulǵaıtýǵa múmkindik beredi.


Joǵary qaraı