Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Jasyl Qazaqstan» ulttyq jobasy 4 negizgi baǵytty qamtymaq

2021 jyldyń 12 qazan 2021 11:40

NUR-SULTAN. QazAqparat – Búgin Úkimet otyrysynda QR Ekologııa, geologııa jáne tabıǵı resýrstar mınıstri Serikqalı Brekeshev «Jasyl Qazaqstan» ulttyq jobasynyń múmkindikterin aıtty, dep habarlaıdy QazAqparat tilshisi.

«Qazaqstan Úkimetiniń 2021 jylǵy 26 qańtardaǵy keńeıtilgen otyrysynda Qazaqstan Respýblıkasynyń Prezıdenti Qasym-Jomart Kemeluly Toqaevtyń bergen tapsyrmasyna sáıkes, «Jasyl Qazaqstan» ulttyq jobasy ázirlendi. Ulttyq joba halyqtyń qolaıly ómir súrý ortasyn qurýǵa jáne eldegi ekologııalyq jaǵdaıdy jaqsartýǵa baǵyttalǵan. Ulttyq joba 4 negizgi baǵytty qamtıdy», - dedi Serikqalı Brekeshev.

Onyń aıtýynsha, «Taza Qazaqstan» atty birinshi baǵyt atmosferalyq aýanyń sapasyn jaqsartý, qaldyqtardy basqarý jáne elimizdiń sý obektileriniń ekojúıelerin saqtaý sııaqty negizgi ekologııalyq máselelerdi sheshýge yqpal etedi. Bul baǵyt aıasynda 5 jyldyń ishinde 16 iri ónerkásiptik kásiporynda shyǵaryndylardy 20%-ǵa tómendetý josparlanyp otyr. Qatty turmystyq qaldyqtardy bólektep jınaýǵa arnalǵan 8 myńnan astam konteıner ornatý, sondaı-aq olardyń úlesi men kádege jaratylýyn 18%-dan 34% -ǵa deıin ulǵaıtý josparlanýda.

«Sý obektileriniń ekojúıesin saqtaý bóliginde «Syrdarııa ózeni arnasyn retteý jáne Aral teńiziniń soltústik bóligin saqtaý» jobasynyń ekinshi kezeńin iske asyrý josparlanyp otyr. Balqash kóliniń basseıninde ornalasqan ózenderdiń sý kólemi men ótkizý qabiletin ulǵaıtý sharalary qarastyrylǵan», - dedi mınıstr.

Ekinshi baǵyt «Únemdi Qazaqstan» aıasynda sýdy únemdi paıdalaný arqyly ónimdilikti arttyrýmindeti aıasynda 401 arnany rekonstrýktsııalaý jáne 212 arnany tsıfrlandyrý esebinen sýarý kezindegi sý ysyrabyn 4 tekshe shaqyrymǵa azaıtý josparlanýda. Ulttyq jobada sýarylatyn jerlerdi 600 myń gektarǵa ulǵaıtý sharalary qarastyrylǵan.

«Tabıǵat» baǵyty aıasynda ulasyp ósýi keminde 65%-dy quraıtyn 2 mlrd aǵash otyrǵyzý, sondaı-aq sırek kezdesetin jáne joıylyp bara jatqan janýarlardyń sanyn qalpyna keltirý sharalaryn júrgizý jónindegi Memleket basshysynyń tapsyrmasyn iske asyrý kózdelip otyr. «Ekologııa bolashaǵy» atty tórtinshi baǵyt halyqtyń ekologııalyq bilimi men mádenıeti deńgeıin arttyrýǵa baǵyttalǵan. Ulttyq jobany iske asyrý halyq úshin qolaıly ómir súrý ortasyn qurý jáne ekologııalyq jaǵdaıdy jaqsartý, kólderdiń sýy sapasyn jaqsartý, sondaı-aq sýarý kezindegi ysyrapty azaıtý múmkindigin beretin bolady», - dedi vedomstvo basshysy.


Joǵary qaraı