Aýa raıy
Astana 18 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Jasotandyqtar Elbasyn quttyqtaý úshin onlaın chellendj uıymdastyrdy

2020 jyldyń 7 shilde 2020 01:15

NUR-SULTAN. QazAqparat – Elorda kúnine jáne Elbasynyń 80 jyldyq mereıtoıyna oraı jasotandyqtar Instagram jáne Facebook áleýmettik jelilerinde #Elbasymenbirge chellendjin bastady, dep habarlaıdy QazAqparat.

Chellendj aıasynda Qazaqstan óńirlerindegi mádenıet jáne sport ókilderi, jas kásipkerler, memlekettik qyzmetshiler men jastardyń qatysýymen 100-den asa beınerolıkter jarııalandy. Spıkerler Elbasynyń sýreti beınelengen jeıde kıip, N.Á.Nazarbaevpen baılanysty óz estelikterimen bólisti.

«Budan basqa, «Jas Otan» jastar qanatynyń qyzmetkerleri men belsendileri #Elbasymenbirge heshtegimen Elbasyna arnalǵan quttyqtaý posttaryn jarııalaýda. Osy aktsııaǵa jastar qanatynyń 3000-nan astam belsendi músheleri qatysyp, Facebook jáne Instagram jelilerinde 500-den astam post jarııalandy. Jasotandyqtar óz estelikterimen bólisip, Elbasyǵa degen jyly lebizderin bildirdi», - delingen «Jas Otan» jastar qanatynyń habarlamasynda.

Atalǵan chellendjge kınoaktrısa, Qazaqstannyń eńbek sińirgen qaıratkeri, Kann kınofestıvaliniń júldegeri Samal Eslıamova, erkin kúresten qazaqstandyq balýan, Olımpıada oıyndarynyń qola júldegeri, Azııa chempıony, halyqaralyq týrnırlerdiń chempıony jáne júldegeri Aqjúrek Tańatarov, «QR Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy» qoǵamdyq birlestiginiń atqarýshy dırektory Laýra Demesinova, «Volonterler lıgasy» QQ tóraıymy Aısulý Ernııazova, «Nur-Sultan qalasy Jastar saıasaty máseleleri basqarmasynyń» basshysy Dáýlet Káribek jáne basqalar qatysty.


Joǵary qaraı