Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

«Jas órken» baıqaýynyń jeńimpazdary belgili boldy

2020 jyldyń 30 qazan 2020 17:45

NUR-SULTAN. QazAqparat - Elimizde balalar men jasóspirimderge arnalǵan «Jas órken» syılyǵynyń jeńimpazdary marapattaldy, dep habarlaıdy QazAqparat tilshisi.

«Bıylǵy baıqaý erekshe ótip jatyr. Sebebi jarystyń ózi de, marapattaý sáti de onlaın ótýde. Baıqaý respýblıka boıynsha óz deńgeıinde ótti. Barlyq uıymdastyrýshylarǵa alǵys aıtamyz. Erekshe aıtyp ótetin sát - bıylǵy baıqaýda Pavlodar, Qaraǵandy, Qostanaı oblystarynyń talantty jastary kóptep jeńimpaz atanyp jatyr. Barlyq jeńimpazdar men laýreattardy shyn júrekten quttyqtaımyn», - deıdi «Respýblıka-Aımaq-Damý» qoǵamdyq qorynyń prezıdenti Ǵalym Baıtoq.

14 nomınatsııadan turatyn atalǵan baıqaý 3 kezeń boıynsha ótkizildi.

«Men óz ustazyma rızashylyǵymdy bildiremin. Meni bıge baýlyǵanyńyz úshin rahmet. Men sizdi jaqsy kóremin. Sonymen qatar, meni qoldap, ónerimdi baǵalap daýys bergen qoldaýshylaryma alǵysym sheksiz», - deıdi «Jas bıshi» nomınatsııasy boıynsha jeńimpaz atanǵan Amıra Sultan.

«Jas órken» syılyǵynyń ıegerleri:

«Jas zertteýshi» - Temirlan Raqymbaev;

«Jas bıshi» - Amıra Sultan;

«Jas sýretshi» - Gaýhar Bolat;

«Jas mýzykant» - Ánel Danııar;

«Jas qanat» - Alfııa Tilekqabyl;

«Jas qalam» - Aqtoty Ábdiqaharova;

«Jas patrıot» - Ivan Rıabets;

«Jas daryn» - Mádı Pazyl;

«Jas bloger» - Erbatyr Erjan;

«Jas aqyn» - Artem Knıazev;

«Jas tolaǵaı» - Tańsulý Tileýbergen;

«Jas ekolog» - Arýjan Mýsına;

«Jas erikti» - Danıl Rybın;

«Úzdik IT bastama» - Álisher Jumadilov.

Aıta keteıik, «Jas órken» - elimizdegi eń daryndy balalardy anyqtaýǵa arnalǵan baıqaý.


Avtor Álı Ibraev
Basty sózder: Bilim, Óner, Qoǵam,
Joǵary qaraı