Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jas maman: Almaty kolledjderin jańǵyrtý jumystary qarqyndy júrýde

2021 jyldyń 17 qazan 2021 23:41

ALMATY. QazAqparat - Almaty qalasy ákiminiń orynbasary Erjan Babaqumarov qala kolledjderinde bolyp, «Jas maman» jobasynyń iske asyrylý barysymen tanysty, dep habarlaıdy QazAqparat tilshisi.

«Jas maman» jobasy kolledjderdi zamanaýı jabdyqtarmen jaraqtandyryp, jańǵyrtýǵa jáne jas mamandardyń daǵdylaryn suranysqa ıe kásipter boıynsha qalyptastyrýǵa baǵyttalǵan.

Aıta keteıik, atalǵan joba aıasynda Almatyda memlekettik qoldaý sharalarymen 18 kolledj qamtyldy. Oǵan joǵary tehnologııalyq ınnovatsııalyq jabdyqtar, tehnıka men kompıýterler satyp alynyp, jetkizildi.
2021-2022 jyldary joba sheńberinde kadrlar daıarlaýǵa memlekettik tapsyrys 11 405 orynǵa, onyń ishinde «Eńbek» baǵdarlamasy boıynsha 2500 orynǵa 48 kolledjde ornalastyryldy.
Ótken jyly 11 219 oryn bólindi. Oqytý tegin negizde ótedi jáne tańdalǵan mamandyqqa baılanysty 2-3 jylǵa sozylady.
Sapar barysynda Erjan Babaqumarov qalalyq bilim basqarmasynyń basshysymen birge Energetıka jáne elektrondyq tehnologııalar kolledji men kópsalaly kolledjine baryp, oqý oryndarynyń materıaldyq-tehnıkalyq jaraqtandyrylýyn kórdi.
Energetıka jáne elektrondyq tehnologııalar kolledjinde qala ákiminiń orynbasary jańartylatyn energııa kózderi, elektr jabdyqtary salasyndaǵy zerthanalarda, kún panelderin qurastyrý tsehynda boldy.
Sondaı-aq, bilim alýshylardyń salaýatty ómir saltyn damytý úshin qajetti jaǵdaılar qaraldy. Mysaly, kolledjde jan-jaqty jabdyqtalǵan sport kesheni — voleıbol, basketbol alańdary, fýtbol alańy, tennıs zaly, boks zaly, workout aımaǵy bar.
Qala ákiminiń orynbasary Erjan Babaqumarov oqý ýaqytynyń 40%-yn kásiporyndarda ótkizetin oqýshylardy dýaldy oqytýdyń jańa zerthanalary men óndiristik synyptarynyń bazasyn damytý týraly mindetterdi qoıdy.
Osy maqsatta bıznes- qoǵamdastyqpen yntymaqtastyq jumystaryn kúsheıtý, onyń ishinde túlekterdi odan ári jumysqa ornalastyrýdy qamtamasyz etý tapsyryldy.
Sonymen birge, kolledjderdi jańǵyrtý, bilikti mamandardy daıarlaýdyń halyqaralyq tájirıbesin engizý, jekelegen mamandyqtar boıynsha quzyrettilik ortalyqtaryn uıymdastyrý, WorldSkills chempıonattaryna qatysýshylardy daıyndaý boıynsha birqatar tapsyrmalar berildi.


Joǵary qaraı