Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Jas dızaıner: Álemdi jaqsy jaqqa ózgertip, túrli túske «boıaǵym» keledi

2020 jyldyń 19 qazan 2020 00:53

NUR-SULTAN. QazAqparat - Koko Shanel, Karl Lagerfeld, Krıstıan Dıor, Iv Sen-Loran. Sán áleminde aty ańyzǵa aınalǵan bul tulǵalardy bilmeıtin adam kem de kem. Jyl ótken saıyn adamdardyń sánge qatysty talǵamy ózgerip otyrady, biraq bul tulǵalardyń esimi el esinen ketpesi anyq. Bizdiń búgingi keıipkerimiz – qazaqstandyq jas dızaıner Laal Avgambaeva da osy dáýirdiń sán álemine qatysty ataqty sheberi bolǵysy keledi. «QazAqparat» HAA tilshisine bergen suhbatynda ol Ulybrıtanııaǵa baryp oqıtynyn, sán álemine qalaı joldama alǵany jáne dızaıner retinde artynda qandaı iz qaldyrǵysy keletini týraly aıtty.

- Armanǵa jetýge degen alǵashqy qadamyńyz qashan bastaldy? Nege osy salany tańdadyńyz?

- Bala kezimnen bolashaqta kim bolatynym týraly suraq týyndap kórmegen, sebebi es bilgeli dızaıner bolýdy qalaǵanymdy bilemin. Eki jasymda bolashaqta dızaıner bolatynymdy aıtqanmyn. Ne sebepti olaı aıtqanymdy bilmeımin, biraq ol armanym áli kúnge deıin ózgergen joq. demek osylaı bolýy kerek bolǵan. Anam sán ındýstrııasynda jumys istedi, ol sýretshi ári art-stýdııanyń negizin qalaýshy. On bes jasyma deıin fashion-qýyrshaqtar qaýymdastyǵynyń múshesi bolǵanmyn. 12 jasymnan bastap álemniń túkpir-túkpirindegi kollektsıonerler úshin kıim tikkenmin. Kolledjdiń birinshi kýrsynda oqyp júrgen kezimde, 16 jasymda jas dızaınerlerdiń New Generation Open Waý dep atalatyn halyqaralyq konkýrsyna qatysyp, úsh jeńimpazdyń biri boldym. Marapat retinde Qazaqstandaǵy, Ázerbaıjandaǵy jáne Reseıdegi sán aptalyǵyna qatysýǵa joldama aldym.





- Ózińizdi dızaıner retinde qalaı damytasyz? Bul óner túrin qalaı úırendińiz?

- Meniń anam – pedagog. Men anamnyń stýdııasynda dızaınerlik baǵyt boıynsha bilimimdi shyńdaı bastadym. Mektepte oqý jaǵynan minsiz bolýǵa tyryspaıynmyn, biraq Dúnıejúzilik tarıh pen Álemdik kórkem ónerdi bar yntammen oqydym. Keıin T.Júrgenov atyndaǵy Qazaq Ulttyq óner akademııasynyń kolledjine oqýǵa tústim. Ol jerde shabytyma shabyt qosylyp, óz stılimdi damytyp, jumys qarqynyn jyldamdatýdy úırendim. Kolledjde úsh jyl boıy úırengenim, jetistigim osy boldy. Kez kelgen taqyrypta jáne kez kelgen ýaqytta jumysqa kirisip kete alamyn.





- Jas bolsańyz da sizdiń jumystaryńyz aıtarlyqtaı kúrdeli, óz ereksheligi bar. Suhbattaryńyzdyń birinde ózińizdi dızaınerden góri tarıhshy sanaıtynyńyzdy aıtypsyz. Jumystaryńyzda tarıhı obrazdarǵa qatysty bólshekter kóptep kezdesedi. Osy turǵyda sizdiń alǵan baǵytyńyz qandaı ekenin aıta alasyz ba?

- Meniń jumystarym – tarıhty, belgili bir mádenı aǵymdar meniń kózqarasymmen qalaı kórinetinin kórsetedi. Meniń shabytymnyń qaınar kózi – tarıh pen mádenıet. Ýaqyt óte kele meni shabyttandyratyn taqyryp aıasy keńeıe túsetin shyǵar.





- Qandaı mata túrlerimen jumys isteısiz? Sıntetıkalyq matadan jasalǵan kıim kıgen adam erte qartaıatyny týraly da aıttyńyz. Qazaqstandyqtarǵa qandaı matadan tigilgen kıim kııýge keńes beresiz?

- Tabıǵı matadan tigilgen kıimniń adam densaýlyǵyna da, tabıǵatqa da tıgizer zııany joq. tabıǵatty qorǵap qalýdyń jalǵyz tásili – hımııadan bas tartý.

- Alǵashqy kórsetilimińiz, debıýtińiz esińizde me? Soǵan toqtalyp ótseńiz...

- Esimde joq. esimde qalǵany – túrli-tústi túster, Kazakhstan Fashion Week jobasynyń art-dırektory Alekseı Chjenniń aıtqan keńesteri. Kúıgelektikke boı aldyrmaı, jumys barysynda ózimdi jaqsy sezinip, durys baǵytty tańdaǵanymdy túsingenmin.





- New generation Open Way 2018 – qazaqstandyq sán aptalyǵyna qalaı tap boldyńyz? Odan qandaı tájirıbe aldyńyz?

- Kolledjge túserden bir jyl buryn men otbasymnyń sol kezdegi ekonomıkalyq jáne áleýmettik jaǵdaıyn eskermeı, tek ózimniń armandaryma negizdelgen ómirlik jospar quryp tastaǵanmyn. Osylaısha armanymnyń qańqasy paıda boldy: baıqaý – júldeli oryn – sán aptalyǵy. Qazaqstandaǵy sán aptalyǵyna qatysý – meniń ómirimdegi eń baǵaly tájirıbeniń biri boldy. Bul kolledjde oqyǵan 3 jylda alǵan tájirıbeme qaraǵanda mańyzdyraq tájirıbe bolǵan sııaqty. Eresekterge qajetti tájirıbe alý – úırenýdiń eń jaqsy tásili.





- Ulybrıtanııadaǵy University of Gloucestershire oqý ornyna túsipsiz. Іrikteýden qalaı óttińiz?

- Bul – tolyq aqyly túrde oqıtyn oqý. Meni birden bakalavrıatqa qabyldap, aıtarlyqtaı jeńildik jasady. Brıtanııada brıtanııalyq stýdentter de, sheteldik stýdentter de ótetin Art-Foundation júıesi bar, biraq basshylyq meni birden bakalavrıatqa shaqyrdy. Ol jaqta bolashaq ómirin dál osy salamen baılanystyratyndaryn dáleldegenderge ǵana grant beriledi. Óıtpegen jaǵdaıda memleket bolashaǵyn qandaı mamandyqpen baılanystyraryn bilmeıtinderge bosqa qarajat jumsaýshy edi. Men oqýǵa túsý úshin ózimniń oqýshy retinde jáne kommertsııalyq maqsatta jasaǵan úlgilerimdi kórsettim.

- Sizdi ne shabyttandyrady?

- Sýretshilerdi kez kelgen nárseden shabyt alýǵa úıretedi. Mysaly, sán álemine qatysy joq áldebir zatty beredi de, sonyń negizinde kollektsııa jasaý týraly tapsyrma beredi. Meni rasymen kez kelgen nárse shabyttandyrady. Fılm kórgendi unatamyn. Ol da maǵan shabyt syılaıdy. Álemdi jaqsy jaqqa ózgertip, túrli túske «boıaǵym» keledi. Sulýlyq pen adam egiz uǵym, men óz shyǵarmashylyǵym arqyly osyny kórsetkim keledi. Eń basyty – bir orynda turyp qalmaı, alǵa qaraı umtylý kerek. Men ózim júrgen salany jaqsy kóremin, meni qozǵaıtyn kúsh te – osy.

- Ózińiz tańdaǵan salada neni ózgertkińiz keledi?

- Qazirgi ýaqytta adamdardyń tańdaý múmkindigi kóp. Barlyq adamǵa erik berilgen. Buryn sán áleminiń ózine tán erejeleri bolǵan, al qazir olaı emes. Múmkin bul da durys shyǵar: ár adam qandaı kıim úlgisin tańdaıtynyn, qandaı keıipte bolǵysy keletinin ózi tańdaıdy. Qazirgi ýaqytta bar kúsh-jigerimdi oqýǵa qarajat jınaýǵa jumsap jatyrmyn. Portret salamyn, biraq kıim dızaınyn jasaýdan eshqashan alystap ketpeımin. «Álemdegi eń jas dızaıner» Start-Time jobasyna qatysqandarǵa arnap portret salamyn. Sondaı-aq, kıim-keshektiń jańa kollektsııasyn jasap júrmin, biraq bul birdese júzege asyryp jatqan joıýa bolǵandyqtan – tolyq aqparatty ázirge aıta almaımyn...

- Siz start-time.kz kraýdfandıngti iske qostyńyz. Bul týraly qaıdan bildińiz? Ne úshin mundaı sheshimge keldińiz?

- Anam meni men inimdi jalǵyz baǵyp-qaǵýda. Ol – sýretshi, ári pedagog. Aqyly oqýyma qarajat jetkiliksiz. Meniń oqýyma qajetti qarajatty birlesip jınaýǵa tyrysamyz. Eleń etip, qoldaý bildirgenderge alǵysym zor!

- Alǵa qoıǵan maqsatyńyz, josparyńyzben bólise alasyz ba?

- Ózim júrgen salanyń kásibı mamany bolyp, osy dáýirdiń keremet sheberi atanǵym keledi. Qazirgi ýaqytta jas dızaınerler óte kóp, ár kún saıyn jańa esimdi bilip jatamyz, biraq áli kúnge deıin Lagerfeld sııaqty tulǵa týǵan joq. Kenzonyń ómirden ozǵanyna kóp bolǵan joq, bıyl MakKýınniń ómirden ozǵanyna on jyl bolady. Dál sondaı tulǵalar – saýsaqpen sanarlyqtaı ǵana. Men solardyń izin basyp, isin jalǵastyrǵym keledi. Atalǵan tulǵalardyń izin laıyqty túrde jalqastyrýshylar ishinde qar de bir qazaqtyń esimi joq, men bul olqylyqtyń ornyn toltyrǵym keledi. Qazaqstan týraly birneshe talantty ánshiler arqyly ǵana biletinder bar, bul azdyq etedi.

- Koronavırýs indeti kezinde ýaqytyńyz qalaı ótti?

- Bul men úshin óte aýyr jaǵdaı boldy. Men qarbalas ómirge, eshteńege qolym tımeı júrýge úırenip qalǵan adammyn. Oqý men 14-15 saǵattyq jumys kúnin qosqanda bulaı sharshap kórmegem. Ómirimde budan artyq jaman nárse bolyp kórmegen sııaqty sezimde boldym. Koronavırýs indeti bastalǵanǵa deıin meni Parıj, London, Nıý-Iorkte ótetin sán aptalyǵyna shaqyrǵan edi. Bul týraly karantın bastalǵannan keıin on kún ótkennen eıin bildim. Aldaǵy ýaqytta taǵy da osyndaı múmkindik týady, biraq men bilim alatyn, tájirıbe jınaıtyn ýaqytymdy bosqa ótkizip alǵym kelmeıdi.

- Suhbatyńyz úshin rahmet!






Avtor Zarına Qaharman
Basty sózder: Mádenıet,
Joǵary qaraı