Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jappaı tártipsizdik: Qansha kommertsııalyq jáne memlekettik nysanǵa zalal keltirildi

2022 jyldyń 13 qańtar 2022 09:46

NUR-SULTAN. QazAqparat - El óńirlerinde bolǵan tártipsizdikter kezinde ákimshilik ǵımarattar men kommertsııalyq jyljymaıtyn múlik obektileri búlinip, eleýli zalal keltirildi.

Ákimdikterdiń jedel derekteri boıynsha 8 óńirde jóndeýdi jáne qalpyna keltirýdi qajet etetin 53 memlekettik nysan (Almaty qalasy – 21, Shymkent – 6, ShQO – 2, Almaty – 6, Jambyl – 7, Qyzylorda – 9, Atyraý – 1, Aqtóbe oblystary-1) bar.

«Atameken» UKP-nyń aldyn ala aqparatyna sáıkes, el boıynsha jyljymaly (kólikter, arnaıy tehnıkalar) jáne jyljymaıtyn múlikter (ǵımarattar men qurylystar), sondaı-aq taýarlyq-materıaldyq qundylyqtardy qosa eseptegende 1 300-den astam shaǵyn jáne orta bıznes obektisi zardap shekti.

Qazirgi ýaqytta barlyq óńirde keltirilgen zalaldy tekserý jáne baǵalaý jónindegi tıisti komıssııalar quryldy.

Aldyn ala tekserý boıynsha kommertsııalyq nysandardyń 221 ǵımaratyna eleýli zalal keltirilgen jáne jóndeý-qalpyna keltirý jumystaryn qajet etedi. Onyń ishinde Almaty qalasynda 215 obekt, ShQO-da 6 obekt bar. Shymkent qalasynda 2 nysan qalpyna keltirildi.

Osy obektiler boıynsha tehnıkalyq saraptamalyq tekserý júrgizilip, tehnıkalyq qujattamalar jasalady jáne jóndeý jumystarynyń quny anyqtalady.

Joǵaryda kórsetilgen jumystar júrgizilgennen keıin jóndeý-qalpyna keltirý úshin obektiler men shyǵyndardyń naqty kólemi aıqyndalady.

Osydan keıin ákimdikter zardap shekken adamdarǵa ótemaqy tóleıdi.

Keltirilgen zalaldy óteý sharalaryn jedeldetý úshin ákimdikter «Atameken» UKP-men birlesip jyljymaıtyn múlikti rastaıtyn qujattaryn jınaqtaıdy.

Tergeý sharalaryna baılanysty zertteý júrgizý úshin keıbir obektilerge kirýge shekteý qoıylǵanyn aıta ketý kerek.

Obektilerdi qalpyna keltirý boıynsha joǵaryda kórsetilgen barlyq is-áreketter Memlekettik komıssııa ázirlegen biryńǵaı algorıtm boıynsha júzege asyrylady.

Barlyǵynyń mindetteri bólinip, árbir memlekettik organ búlingen obektilerdi jedel qalpyna keltirý jumystaryna tartylady.


Joǵary qaraı