Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Japonııanyń soltústiginde 9 baldyq jer silkinisi bolsa, adam shyǵyny 200 myńǵa jetýi múmkin

2021 jyldyń 21 jeltoqsan 2021 16:09

TOKIO. Kyodo-QazAqparat – Japonııa úkimeti seısenbi kúni eldiń soltústik-shyǵysy men soltústigindegi Tynyq muhıty jaǵalaýynda 9 baldyq jer silkinisi bolsa, onyń saldary qandaı bolatyny týraly boljam jarııalap, Hokkaıdo men Aomorıdi qosqanda, jeti prefektýrada 199 myń adamǵa eskertý jasady. Bul týraly Kyodo agenttigi málim etti, dep habarlaıdy QazAqparat.

Tabıǵı apattardy basqarý jónindegi ortalyq keńestiń boljaýynsha, turǵyndardyń basym bóligi tsýnamıden zardap shegedi, osyndaı jer silkinisi bolǵan jaǵdaıda, Japon shuńǵymasynyń boıyndaǵy 220 myń ǵımarat qıraýy múmkin. Elge 31,3 trıllıon ıen (275,4 mıllıard dollar) shyǵyn keledi.

Tabıǵı apattarǵa qarsy kúres mınıstri Satoshı Nınoıý 21 jeltoqsanda ótken baspasóz máslıhatynda Japonııanyń soltústiginde iri jer silkinisi bolǵan jaǵdaıda, onyń saldary qandaı bolatyny týraly aıtty.

Japonııanyń batysynan ortalyǵyna deıin sozylǵan Nankaı shuńǵymasynyń boıyndaǵy jer silkinisinen 323 myń adam, Tokıonyń ishindegi jer silkinisinen 23 myń adam mert bolýy múmkin.


Basty sózder: Japonııa, Jer silkinisi, Álem,
Joǵary qaraı