Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Japonııanyń Osaka qalasyndaǵy órtten qaza tapqandar sany 25-ke jetti

2021 jyldyń 21 jeltoqsan 2021 10:25

NUR-SULTAN. QazAqparat - Japonııanyń batysyndaǵy Osaka qalasyndaǵy emhanada 17 jeltoqsanda bolǵan órtten qaza tapqandar sany 25-ke jetti, dep habarlady NHK telearnasy seısenbi kúni.

Buǵan deıin 24 adam qurban bolǵany habarlanǵan. Dúısenbige qaraǵan túni aýyr halde jatqan jas áıel qaıtys boldy. Taǵy úsh adam, sonyń ishinde órt qoıdy degen kúdikpen 60 jastaǵy er adam jaraqat alyp, aýrýhanada jatyr.

Órt qaladaǵy keńse ǵımarattarynyń biriniń tórtinshi qabatyndaǵy emhanada bolǵan. Beınebaqylaý kamerasyna atalmysh emhanada emdelip jatqan er adamnyń lıft pen kireberis esiktiń janyna janarmaı tógip, ony ottyqpen órtep jibergeni túsip qalǵan. Órt bólmeden shyǵatyn jalǵyz joldy jaýyp tastady. Sonymen qatar, kúdikti adamdardyń qashyp ketýine jol bermeı, ótkeldi jaýyp tastaǵan.

Tergeý barysynda kúdiktiniń úıinen 36 adamnyń ólimine sebepshi bolǵan Kıotodaǵy Kyoto Animation anımatsııalyq kompanııasynyń stýdııasyn órteý týraly eki jyl burynǵy gazet maqalalarynyń qıyndylary tabylǵan. Polıtsııa er adam tap osy qylmysty qaıtalamaq bolǵan dep esepteıdi.


Basty sózder: Álem, Oqıǵa, Japonııa,
Joǵary qaraı