Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Japonııanyń batysynda koronavırýstyń brıtandyq shtamy tarap jatyr

2021 jyldyń 2 naýryz 2021 09:08

TOKIO. QazAqparat – Japonııanyń batysyndaǵy Kobe qalasynyń bıligi bul aımaqta vırýs juqtyrǵandardyń arasynda koronavırýstyń jańa brıtandyq shtamyn juqtyrǵandar sany kóbeıgenin málim etti, dep habarlaıdy QazAqparat NHK telearnasyna silteme jasap.

Aqpannyń birinshi aptasynda olardyń úlesi 4,6%, ekinshi aptada – 10,5%, úshinshi aptada – 15,2% boldy. Osy aýrýǵa shaldyqqan adamdardyń kóbeıýine baılanysty qala bıligi jańa shtamnyń taralýyn baqylaý úshin júrgiziletin testileýler sanyn kóbeıtý týraly sheshim qabyldady.

Japonııa bıligi 2020 jyldyń 28 jeltoqsanynan bastap koronavırýstyń jańa shtamdarynyń taralýyna baılanysty álemniń barlyq eli men aımaqtarynyń azamattaryna jańa vızalar berýdi toqtatty. Keıinnen bul shekteý merzimi elde tótenshe jaǵdaı rejıminiń engizilýine baılanysty 7 naýryzǵa deıin uzartyldy.

Sońǵy málimetter boıynsha, epıdemııanyń barlyq kezeńinde Japonııa aýmaǵynda koronavırýsty juqtyrý jaǵdaılarynyń sany 434 myńnan asady, 7,9 myń ólim jaǵdaıy tirkeldi.


Basty sózder: Koronavırýs, Álem,
Joǵary qaraı