Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Japonııada janartaý atqylap, Tynyq muhıtynda tsýnamı boldy

2022 jyldyń 16 qańtar 2022 15:27

TOKIO. Kyodo -QazAqparat – Jeksenbi kúni tańerteń Japonııada Tynyq muhıtynyń ońtústigindegi Tonga aralynda janartaý atqylap, saldarynan tsýnamı boldy. Meteorologııalyq agenttik tabıǵı apat týraly eskertý jarııalap, 210 myń adam bıik jerge aýysýǵa májbúr boldy, dep habarlaıdy QazAqparat Kyodo News agenttigine silteme jasap.

Agenttik 3 metrlik tsýnamıdiń Amamı araly men soltústik-shyǵysyndaǵy Ivate prefektýrasyn qosqanda, Japonııanyń ońtústik-batysyndaǵy keıbir araldarǵa zardap keltirýi múmkin ekendigin habarlaǵan.

Senbi kúni tún jarymyna taman Amamı qalasynda 1,2 metr bıik, jeksenbi kúni tańǵy 2:26-da Ivate prefektýrasynda bıiktigi 1,1 metrlik, al Hokkaıdodan Kıýso men Okınavaǵa deıin kishigirim tsýnamı baıqalǵan.




Órt jáne tabıǵı apattarmen kúres agenttiginiń habarlaýynsha, Aomorı, Ivate, Mııagı, Tıba, Kotı, Mııadzakı jáne Kagosıma prefektýralarynda kem degende 210 myń adamnan jaǵalaýdan ketý suraldy.

Aıta ketsek, sońǵy ret tsýnamı týraly eskertý 2016 jyly qarashada Japonııanyń soltústik-shyǵysynda 7,4 baldyq jer silkinisinen keıin jasalǵan bolatyn.


Basty sózder: Japonııa, Oqıǵa,
Joǵary qaraı