Aýa raıy
Astana 14 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Japonııa Qazaqstannan baǵaly delıkates óndirý úshin jylqy etin satyp alady

2020 jyldyń 14 shilde 2020 14:46

NUR-SULTAN. QazAqparat - QR Aýyl sharýashylyǵy mınıstrligi qazaqstandyq jylqy men jylqy etin eksporttaý úshin Japonııa naryǵyn ashty, dep habarlaıdy QazAqparat QR Aýyl sharýashylyǵy mınstrliginiń resmı saıtyna silteme jasap.

Jańa naryqtyń ashylýy aldynda úlken daıyndyq jumystary júrgizildi. 2018 jyly eksporttyq áleýetti damytý aıasynda QR AShM Veterınarlyq baqylaý jáne qadaǵalaý komıteti sheteldik áriptesterge alǵashqy suraý hat joldaǵan edi. Onda qazaqstandyq fermerler men kásipkerler Japonııaǵa jylqy etin jetkizýge múddeli ekeni týraly aıtylǵan bolatyn.

Uzaq kelissózderdiń nátıjesinde Japonııa eliniń Aýyl, orman jáne balyq sharýashylyǵy mınıstrligi Qazaqstan Respýblıkasynan jylqylardy soıý jáne qaıta óńdeý kezinde alynǵan et, et shıkizaty men sýbónimderdi Japonııaǵa eksporttaýǵa veterınarlyq sertıfıkat berdi. Al, 2020 jyldyń 25 mamyrynan bastap eksporttyń ashylýy týraly resmı habarlama jiberdi.

Buryn qol jetkizilgen kelisimderge sáıkes QR AShM Veterınarlyq baqylaý jáne qadaǵalaý komıteti óz ónimderin eksporttaýǵa daıyn qazaqstandyq kásiporyndardyń tizimin jasady. Et odaǵy, «Atameken» UKP jáne Komıtettiń oblystyq aýmaqtyq ınspektsııalary arqyly aýyl sharýashylyǵy taýarlaryn óndirýshilerge jiberilgen suranymǵa 34 otandyq kásiporyn ózderiniń kelisimderin berdi. Olar týraly aqparat jaqynda japon tarapyna berildi.

Aıta ketý kerek, Japonııa eli tek jylqy etin ǵana ımporttaýǵa emes, tiri jylqylardy da soıý úshin alýǵa múddeli.

Anyqtama: osy ýaqytqa deıin Japonııaǵa jylqy etin negizgi eksporttaýshy el Kanada boldy. Kúnshyǵys elinde jylqy eti ejelden shıki túrde paıdalanylady jáne delıkates bolyp sanalady. Joǵary dámdik sapasy úshin qabyrǵadan alynǵan et erekshe baǵalanady. Jylqy etinen sýshı men sashımı et kesekteri daıyndalady.


Joǵary qaraı