Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Japon jankúıerleri Olga Rypakovany Olımpıada hanshaıymy dep atady

2021 jyldyń 24 shilde 2021 01:24

TOKIO. QazAqparat - Qazaqstan quramasy Tokıodaǵy Olımpıada oıyndarynyń ashylý saltanatynda jankúıerlerdi tamsandyrdy. Qamshybek Qońqabaevpen birge elimizdiń týyn kóterip shyqqan Olga Rypakovanyń kıim úlgisin kópshilik jyly qabyldady, dep jazady Olympic.kz.

Olımpıadanyń resmı túrde ashylýyna birneshe kún qalǵanda Forbes sholýshysy komandanyń formasyn eń stıldi kıim úlgileri qataryna jatqyzǵan bolatyn.

Jankúıerler men kórermender úshin tý ustaıtyn sportshylarǵa arnaıy tigilgen kıim tosynsyı bolǵany anyq.

Tokıo oıyndarynyń ashylý saltanatynda Qazaqstan komandasy boksshy Qamshybek Qońqabaev pen jeńil atlet Olga Rypakova bastap shyqty.

Olardyń kıim úlgileri Ulttyq olımpıada komıtetiniń tapsyrysy boıynsha arnaıy tigildi.

Kıim úlgisin daıyndaý barysyna Ábilhan Qasteev atyndaǵy Memlekettik murajaı óneriniń mamandary atsalyssa, dızaın jáne kıimdi tigýmen tanymal almatylyq modeler Vıoletta Ivanova aınalysty.




Ádemi kóılek Olga Rypakovanyń symbatyn odan ári arttyra tústi. Sheteldik jankúıerler de olımpıada chempıonynyń kıim úlgisin joǵary baǵalap, maqtaý sózderin jaýdyryp jatyr.

«Olımpıadashylar kıgen kostıýmniń ishindegi eń ádemisi. Men Japonııadanmyn. Sizdiń komandańyzǵa oıynda sáttilik tileımin».

«Men Italııadanmyn. Bul qyz - men úshin eń ádemi tý ustaýshy».

«Ol keremet. Atyn bilse bola ma?».

Sondaı-aq, jankúıerler UOK Instagram paraqshasynyń Direct-ne toqtaýsyz jazyp jatyr.

«Sondaı ádemi! Kóptegen japondyqtar osylaı oılaıdy».

Odan bólek, bizdiń sportshylar men tý ustaýshylar olımpıadashylar sherýine deıin de, keıin de kópshilik nazarynda boldy.

Olımpıada aýylyndaǵylardyń barlyǵy derlik bizdiń Rypakova jáne Qońqabaev syndy sportshylarymyzben sýretke túsýge asyqty.




Foto: Getty Images


Basty sózder: Olımpıada, Sport,
Joǵary qaraı