Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Japon delegatsııasy Almatydaǵy Bitimgerlerdi daıarlaý ortalyǵyna bardy

2021 jyldyń 24 qarasha 2021 22:05

NUR-SULTAN. QazAqparat – Almaty qalasyndaǵy Qorǵanys mınıstrliginiń Bitimgerlerdi daıarlaý ortalyǵyna Japonııanyń Qazaqstan Respýblıkasyndaǵy Tótenshe jáne Ókiletti Elshisi ıAmada Djýn, qorǵanys máseleleri jónindegi elshiniń birinshi hatshysy polkovnık Savaı Tadashı men medıtsınalyq máseleler jónindegi keńesshi Nıshızava Soko jumys saparymen bardy. Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.

Ortalyqtyń bastyǵy polkovnık Baýyrjan Nyǵmetýllın ortalyq qyzmetiniń maqsaty men máni, onyń ishinde bitimgerlik kýrstar men qarqyndy tildik daıyndyq týraly habardar etti.

Ortalyqty damytý josparynda ótkiziletin kýrstardy kóbeıtý jáne mekemeniń óńirlik deńgeıge shyǵýy da bar. Sóz arasynda 19 qarashada «BUU-nyń Azamattyq turǵyndardy qorǵaý – United Nations Protection of Civilians Course» atty BUU-nyń sertıfıkattalǵan halyqaralyq kýrsy aıaqtalǵanyn aıta keteıik. Onda Bangladesh, Brazılııa, Qazaqstan, Mavrıtanııa,

Mozambık, Nıgerııa, Pákistan, Saýd Arabııasy jáne Fınlıandııa Qarýly Kúshteriniń ókilderi oqydy.

Sapar barysynda Qazaqstan men Japonııa qorǵanys vedomstvolary arasyndaǵy ortalyqtyń bitimgershilik áleýetin damytýdaǵy ekijaqty yntymaqtastyqty nyǵaıtý máseleleri talqylandy.




Tótenshe jáne Ókiletti Elshi kezdesýdi uıymdastyryp, qonaqjaılylyq tanytqany úshin óz alǵysyn bildirdi. Sondaı-aq ol Qazaqstannyń beıbitshilikti qoldaý jónindegi operatsııalarǵa qatysýyn keńeıtý arqyly beıbitshilik pen qaýipsizdikti nyǵaıtýǵa qosqan úlesin atap ótti.


Joǵary qaraı