Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Janýarlarǵa qatigezdikpen qaraǵandarǵa qandaı jaza qoldanylady

2021 jyldyń 23 jeltoqsan 2021 14:08

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev janýarlarǵa qatigezdikpen qaraǵandarǵa qandaı jaza qoldanylatyndyǵyn aıtty, dep habarlaıdy QazAqparat tilshisi.

Mınıstr Senattyń jalpy otyrysynda «Janýarlarǵa jaýapkershilikpen qaraý týraly» Zań jobasymen qalyptasqan ıdeologııany iske asyrý, onyń ishinde janýarlarǵa qatygezdikpen qaraǵany úshin aldyn alý jáne obektıvti jazalaýdy júzege asyrý maqsatynda quqyq buzýshylyqtyń jańa quramyn engizý kózdeletindigin atap ótti. Onyń aıtýynsha, Ákimshilik quqyq buzýshylyq kodeksiniń 407-1-babyna sáıkes, janýarlarǵa qatygezdikpen qaraǵany úshin jeke tulǵalarǵa 5, laýazymdy tulǵalarǵa 10 aılyq eseptik kórsetkish mólsherinde aıyppul salynady. Buzýshylyq qaıtalanatyn jaǵdaıda jeke tulǵalarǵa 20 aılyq eseptik kórsetkish, al laýazymdy tulǵalarǵa 40 aılyq eseptik kórsetkish mólsherinde aıyppul qarastyrylǵan.

«Ákimshilik quqyq buzýshylyq kodeksiniń 407-2-babymen Qazaqstan Respýblıkasynyń janýarlarǵa jaýapkershilikpen qaraý salasyndaǵy zańnamasy boıynsha janýarlardy aýlaý, ýaqytsha ustaý jáne jansyzdandyrý; úı janýarlaryn esepke alý; janýarlardy zoologııalyq pıtomnıkterde, janýarlar panalarynda, zoologııalyq qonaq úılerde, janýarlardy ýaqytsha ustaý ortalyqtarynda, janýarlardy saýyqtyrý ortalyqtarynda ustaý; úı janýarlaryn ustaý jáne serýendeý; janýarlardy tasymaldaýǵa qoıylatyn talaptardy buzǵan jaǵdaıda jeke tulǵalarǵa - 10, laýazymdy tulǵalarǵa - 20, zańdy tulǵalarǵa 30 aılyq eseptik kórsetkish aıyppul salynady. Buzýshylyq qaıtalanatyn jaǵdaıda jeke tulǵalarǵa - 20, laýazymdy tulǵalarǵa - 30, al zańdy tulǵaǵa 40 aılyq eseptik kórsetkish aıyppul qarastyrylǵan», - dedi Serikqalı Brekeshev.


Joǵary qaraı