Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Janýarlardyń qaýipti aýrýlaryna qatysty Qazaqstanda qansha oshaq tirkelgen

2021 jyldyń 26 qazan 2021 19:34

NUR-SULTAN. QazAqparat – QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti tóraǵasynyń mindetin atqarýshy Baýyrjan Abyzbaev janýarlar arasynda taralǵan aýrýǵa qatysty aıtyp berdi, dep habarlaıdy QazAqparat tilshisi.

«Epızootııalyq ahýalǵa toqtalsaq, 2021 jyldyń basynan bastap respýblıka aýmaǵynda 345 qolaısyz pýnkt tirkelgen. Onyń ishinde 171-i - janýarlardyń asa qaýipti ınfektsııalyq aýrýlarynyń qolaısyz pýnkti. 174-i brýtsellez boıynsha qolaısyz pýnkter. Nátıjesinde, 174 qolaısyz pýnktiń 130-i saýyqtyryldy, al qalǵan 44 pýnkte saýyqtyrý is-sharalary jalǵasýda», - dedi B. Abyzbaev Ortalyq kommýnıkatsııalar qyzmetinde.

Onyń aıtýynsha, aýrýlar oshaqtarynda dezınfektsııalyq jumystar júrgizildi. Bıylǵy jyldyń 9 aıynda juqtyrǵan aýrýyna baılanysty joıylǵan 54 mal basyna 13 mln teńgeden astam tólemaqy berildi.

Budan bólek ol veterınarııalyq zańnama talaptaryn oryndaý máselesine toqtaldy.

«2021 jyldyń 9 aıdaǵy kórsetkishi boıynsha veterınarııalyq-sanıtarııalyq talaptardy buzǵany úshin tekserýdiń ózge nysandarynyń nátıjelerimen anyqtalǵan buzýshylyqtardy joıý jóninde 7 535 nusqama berildi. Nusqamalardyń oryndalýyn tekserý nátıjeleri boıynsha 110 mln teńgeden astam somaǵa 3 373 ákimshilik aıyppul salyndy.

Budan buryn habarlanǵandaı, Baýyrjan Abyzbaev janýarlardy vaktsınalaý kórsetkishi jaıynda baıandady.

Joǵary qaraı