Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Janseıit Túımebaev QHA qurylǵaly qandaı jobalar júzege asqanyn aıtty

2020 jyldyń 15 qyrkúıek 2020 14:25

NUR-SULTAN. QazAqparat – Qazaqstan halqy Assambleıasynyń qoǵamdyq-saıası róli kúrdelene túsýde. Bul týraly búgin QHA-nyń qurylǵanyna 25 jyl bolýyna oraı ótken konferentsııada aıtyldy, dep habarlaıdy QazAqparat tilshisi.

«Qazaqstan halqy Assambleıasy osy ýaqytqa deıin kóptegen ilki jobalardy júzege asyrǵanyn atap ótken jón. Atap aıtqanda, Saıası qýǵyn-súrgin jáne asharshylyq qurbandaryn eske alý kúnine arnalǵan «Bolashaqqa arnalǵan estelik» jobasy el ishinde ǵana emes, halyqaralyq deńgeıde tanyldy. Jobanyń maqsaty – jalpyulttyq tarıhı sanany qalyptastyrýǵa jáne ony bolashaq urpaqqa jetkizýge úles qosý. 2018 jyldan bastap «Qazaqtaný» QHA mádenı-aǵartýshylyq jobasy júzege asyrylýda. Negizgi maqsat – barlyq qazaqstandyqtardyń ortaq mádenı kody, jalpy qundylyqtary men ulttyq tarıhı sanasy negizinde halyqtyń birligin nyǵaıtý», - deıdi Qazaqstan halqy assambleıasy tóraǵasynyń orynbasary, Assambleıa hatshylyǵynyń meńgerýshisi Janseıit Túımebaev.

Ol Assambleıa Nursultan Nazarbaevtyń jeke bastamasymen qurylǵan konsolıdatsııa men ıntegratsııanyń biregeı ınstıtýty bolǵanyn jáne solaı bolyp qala beretindigin aıtty. Etnıkalyq toptar kez kelgen máseleni óz etnosy turǵysynan ǵana emes, búkil memleket pen qoǵam turǵysynan qarastyrýdy úırendi.

«Eń bastysy, bizdiń elde oqshaýlaý strategııasyn tańdaıtyn etnıkalyq toptar joq. Osy jerde Memleket basshysy Qasym-Jomart Toqaevtyń «Komsomolskaıa pravda» gazetine bergen suhbatyn (2020 jylǵy 3 maýsym) eske alǵan oryndy. Onda ol «Qazaqstandyqtar ózderiniń etnıkalyq tegine qaramastan ózderin birtutas halyq, birtutas ult dep sanaıdy» degen. Memlekettik qurylymnyń jańa kezeńinde «beıbitshilik pen kelisim» qaǵıdasynyń mańyzy arta túsedi», - deıdi ol.

Onyń aıtýynsha, Assambleıanyń qoǵamdyq-saıası róli kúrdelene túsýde, bul Qazaqstan halqynyń ıntegratsııasynyń baǵyttary men vektorlarynyń barlyq spektrin kórsetedi. Qazirgi ýaqytta Memleket basshysynyń tapsyrmasy boıynsha etnosaralyq qatynastar salasyndaǵy memlekettik saıasattyń tıimdiligin arttyrý boıynsha sharalar qabyldandy. Qazaqstan Respýblıkasy Aqparattyq jáne qoǵamdyq damý mınıstrliginiń etnosaralyq qatynastardy damytý komıteti quryldy. Qoldanbaly etnosaıası zertteýler ınstıtýty quryldy. Instıtýt qyzmetiniń negizgi baǵyty – etnosaralyq qatynastar salasyndaǵy zertteýler.

«Aımaqtyq deńgeıde basqarý júıesi de jetildirilýde. Bul sharalardyń barlyǵy etnosaralyq qatynastar salasyndaǵy memlekettik saıasattyń tıimdiligin arttyrýǵa arnalǵan. Sondyqtan bizde ulttyq birlikti, Elbasynyń beıbitshilik pen kelisimdi nyǵaıtý kýrsynyń sabaqtastyǵyn qamtamasyz etýdiń barlyq máseleleri boıynsha jaýapty jumys bar», - deıdi Janseıit Túımebaev.


Joǵary qaraı