Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jangúl Jolmuqanova: Assambleıanyń aldaǵy mindeti - etnostar arasyndaǵy dostyqty nyǵaıtý

2022 jyldyń 19 qańtar 2022 19:30

PETROPAVL. QazAqparat – Qazaqstan halqy Assambleıasynyń Soltústik Qazaqstan oblystyq fılıalynda etnomádenı ortalyqtardyń ókilderi qatysqan keńes ótip, alǵa qoıylǵan mindetterdi talqyǵa saldy, dep habarlaıdy QazAqparat tilshisi.

SQO ishki saıasat basqarmasy basshysynyń orynbasary Jangúl Jolmuqanovanyń pikirinshe, alda jańǵyrtýdyń, strategııalyq mańyzdy reformalar men qaıta qurýlardyń uzaq joly jatqandyǵy aıqyn.

Bul joldy ortaq ıdeıa tóńireginde toptastyrý arqyly ǵana ótýge bolady. Al jańa Qazaqstandy qalyptastyrý men damytýda Qazaqstan halqy Assambleıasyna zor jaýapkershilik artylmaq.

«Qazaqstan halqy Assambleıasy quramyna kiretin etnomádenı birlestikter memlekettik saıasatty túsindirýge jáne iske asyrýǵa úlken úles qosa otyryp, eshqashan qoǵamdyq mańyzy bar oqıǵalar men is-sharalardan tys qalǵan joq. Etnosaralyq toleranttylyq pen áleýmettik kelisimniń qazaqstandyq úlgisin nyǵaıtýǵa jáne nasıhattaýǵa oń áser etip, úılesimdi jumys atqaryp keledi. Assambleıanyń aldaǵy jyldarǵa mindeti - bir shańyraq astynda ómir súretin etnostardyń dostyǵyn qorǵaý jáne nyǵaıtý, óz eliniń patrıoty bolý. Patrıotızm bizdiń kúndelikti is-áreketterimizde, Otan men azamattardyń ıgiligi jolyndaǵy isterimizde, adal eńbegimiz ben bastamalarymyzda kórinis tabýy tıis», - deıdi Jangúl Jolmuqanova.

Assambleıa jumysy aqparattyq-túsindirý, áleýmettik jáne qaıyrymdylyq baǵyttarynda atqarylýy tıis.

«Assambleıa qyzmetin jańǵyrtý maqsatynda Dostyq úıleri men «Qoǵamdyq kelisim» mekemeleri «servıstik model» aıasynda resýrstyq ortalyqtar men jobalyq keńselerge aınalýy tıis. ıAǵnı endi jumys arnaıy jobalar aıasynda jeke baǵyttar boıynsha júrgiziledi. Búgin oblystyq Assambleıanyń barlyq qurylymdyq bólimsheleriniń jumysyn jandandyrý qajet. QR QHA 4 bazalyq jobasyn, sondaı-aq jańa áleýmettik jobalaryn iske asyrý maqsatynda mazmundy josparlar bekitilýi qajet.

Esterińizge sala keteıin, respýblıkalyq Assambleıa 4 joba ázirledi, onyń aıasynda biz óz qyzmetimizdi quramyz. Qazir memleket pen qoǵam arasynda syndarly ózara qarym-qatynas qurý máselesi ótkir tur. Sondyqtan etnostar ókilderimen, ásirese jastarmen, árbir eldi mekenniń turǵyndarymen turaqty kezdesýler ótkizý qajet. Taǵy bir mańyzdy baǵyt – «Jańǵyrý joly» bazasynda Jastar jáne volonterler qozǵalysyn damytý. Qazir óńirde «Assambleıa jastary» fılıaldaryn uıymdastyrý jumystary júrgizilip jatyr. Óıtkeni jastar – bizdiń bolashaqtaǵy tiregimiz», - deıdi Jangúl Serikqyzy.











Joǵary qaraı