Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jandarbek Bekshın: Talaptardy elemeý vırýs juqtyrǵandardyń kóbeıýine ákelýi múmkin

2021 jyldyń 16 shilde 2021 17:43

ALMATY. QazAqparat - Almatydaǵy epıdemıologııalyq jaǵdaıdyń kúrdelenýine baılanysty qalanyń bas sanıtarlyq dárigeri Jandarbek Bekshın Qurban aıt merekesi kezinde buqaralyq sharalarǵa qatyspaýǵa shaqyrdy, dep habarlaıdy QazAqparat tilshisi.

Onyń aıtýynsha, shekteý sharalarynyń barlyǵy koronavırýstyń taralýyn boldyrmaý úshin jasalyp jatyr.

«Almaty turǵyndarynan karantın sharalaryna túsinistikpen qaraýdy suramyn, óıtkeni megapolıstegi jańa «delta» shtamy qaýip tóndiredi. Talaptardy elemeý vırýs juqtyrǵandardyń kóbeıýine ákelýi múmkin»,- deıdi ol.

Sonymen qatar, ol almatylyqtar koronavırýs ınfektsııasyn qaı jerde jıi juqtyratynyn aıtty.

«Ótken aptamen aldyńǵy kezdi salystyrǵanda, otbasylarda KVI juqtyrý deńgeıi 9%-ǵa, týystarymen, kórshilerimen, dostarymen baılanys kezinde 0,2%-ǵa tómendedi. Bul otbasylarda vaktsınalanǵan múshelerdiń aıtarlyqtaı ósýi. Bul rette saýda nysandarynda juqtyrýdyń 31%-dyq joǵary deńgeıi baıqalady. Ótken aptada 0,5%-ǵa ósýmen, sýper-gıpermarketterde 2,2%-ǵa jáne oramishilik azyq-túlik dúkenderinde 1%-ǵa jáne azyq-túlik emes dúkenderde 0,5%-y qurady. Ashanalarda juqtyrý 0,4%-ǵa, monsha men saýnalarda 0,9%-ǵa, Ashyk jobasyna qatysýshy nysandarynda 0,5%- ǵa jáne qala mańy aımaǵyna barý kezinde 0,2%-ǵa artqany baıqalady», – dedi Jandarbek Bekshın.
Joǵary qaraı