Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jandarbek Bekshın: Almatyda epıdemıologııalyq jaǵdaı kúrdeli

2021 jyldyń 16 shilde 2021 17:11

ALMATY. QazAqparat- Koronavırýs ınfektsııasynyń órshýine baılanysty Almaty «qyzyl» aımaqta. Osyǵan oraı Qurban aıt merekesine arnalǵan barlyq is-shara onlaın formatta ótedi. Bul týraly brıfıng barysynda qalalyq sanıtarlyq-epıdemıologııalyq baqylaý departamentiniń basshysy Jandarbek Bekshın málim etti, dep habarlaıdy QazAqparat tilshisi.

Onyń aıtýynsha, Almatyda sanıtarlyq-epıdemıologııalyq jaǵdaı kúrdeli. Naýqastar sanynyń ósýine mýtatsııalanǵan «delta» shtamy áser etýde.

«15 shildede koronavırýs ınfektsııasynyń 885 jaǵdaıy tirkeldi. Onyń 780-i sımptomsyz jáne 105-i sımptomdy. Infektsııalyq statsıonarlarda 2 292 adam, onyń ishinde 181 bala jatyr. Reanımatsııa jáne qarqyndy terapııa bólimshelerinde 132 naýqas bar. Sondaı-aq 27 – ÓJJ, 39 - ınvazıvti emes ÓJJ, 61 High flow apparaty qosylǵan.

Búginde úıde BMSK jáne telemedıtsına ortalyǵynyń mobıldi brıgadalarynyń baqylaýynda 4 326 naýqas bar, sımptomdy jeńil jáne ortasha dárejesi bar - 3958, al sımptomsyz – 368 adam bar»,- Jandarbek Bekshın.

Sonymen qatar, ol Qurban aıt merekesi bıyl onlaın formatta ótetinin jetkizdi.

«Qalada koronavırýs ınfektsııasynyń kúrt órshýine baılanysty adam kóp jınalatyn is-sharalardy, onyń ishinde uıymdarda, sondaı-aq jeke menshik úı men medreselerde aıt namazyn ótkizýge tyıym salynady», – dedi Jandarbek Bekshın.

Eske salsaq, Bas memlekettik sanıtarlyq dárigerdiń qaýlysyna sáıkes, Almaty aýmaǵynda 19-y men 22 shilde aralyǵynda mal soıý tsehy men bazarlardyń jumys isteýine tyıym salynǵan.

Sondaı-aq maldy soıýǵa, ony avtokólikter men jeke úı ıelerinen satýǵa tyıym salynady.


Avtor Alma Muqanova
Basty sózder: Almaty, Koronavırýs, Karantın,
Joǵary qaraı