Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańbyr, qar: 9 óńirde eskertý jarııalandy

2022 jyldyń 18 qańtar 2022 19:10

NUR-SULTAN. QazAqparat – «Qazgıdromet» RMK 19 qańtar kúni aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Kúndiz Almaty oblysynyń taýly aýdandarda qatty jaýyn-shashyn (jańbyr, qar) kútiledi. Keı ýaqytta ońtústiginde jáne shyǵysynda tuman, kóktaıǵaq bolady. Soltústik-shyǵystan jel soǵady, shyǵysynda ekpini 15-20 m/s jetedi.

Aqtóbe oblysynyń ortalyǵynda jáne shyǵysynda tuman boljanady.

19 qańtar kúni tańerteń jáne kúndiz Túrkistan oblysynyń batysynda, taýly, taý bókterli aýdandarynda, 20 qańtarda túnde taýly aýmaqta qatty jaýyn-shashyn (jańbyr, qar) bolady. Sondaı-aq tuman, kóktaıǵaq kútiledi. Ońtústik-batystan jel soǵady, oblystyń ońtústiginde, batysynda, taýly jáne taý bókterli aýdandarda kúshi tańerteń jáne kúndiz 23-28 m/s artady.

Shymkent qalasynda tańerteń jáne kúndiz qatty jaýyn-shashyn (jańbyr, qar) jaýady. Keı ýaqytta tuman kútiledi. Ońtústik-batystan jel soǵady, tańerteń jáne kúndiz ekpini 23 m/s jetýi yqtımal.

Aqmola oblysynyń ońtústik jartysynda tuman kútiledi.

Batys Qazaqstan oblysynyń batysynda, soltústik-batysynda kóktaıǵaq bolady. Jeldiń jyldamdyǵy - 15-20 m/s. Oblystyń soltústiginde tuman kútiledi.

Qyzylorda oblysynyń soltústiginde jáne ortalyǵynda tuman saqtalady, kúndiz oblystyń ońtústik jartysynda kóktaıǵaq kútiledi. Jel soltústik-shyǵystan soǵady, túnde oblystyń ońtústik jartysynda kúshi 15-20 m/s jetedi.

Qaraǵandy oblysynyń soltústik-batysynda, ońtústiginde tuman boljanady.

Pavlodar oblysynyń ońtústiginde, batysynda, shyǵysynda tuman kútiledi.


Basty sózder: Aýa raıy, Qazgıdromet,
Joǵary qaraı