Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańbyr, qar: 27 qyrkúıek kúngi aýa raıy boljamy

2021 jyldyń 27 qyrkúıek 2021 02:14

NUR-SULTAN. QazAqparat – 27 qyrkúıekte respýblıkanyń basym bóliginde qubylmaly aýa raıy saqtalady. Frontaldy bólikterdiń áserinen jańbyr jaýady, batysta qatty jańbyr kútiledi. Eldiń soltústiginde, soltústik-batysynda jaýyn-shashyn jańbyr men qar túrinde bolady. Respýblıkanyń barlyq aýmaǵynda kúshti jel turady, ońtústikte shańdy daýyl kóterilip, ońtústikte, batysta naızaǵaı boljanady. QazAqparat bul týraly Qazgıdrometke silteme jasap habarlaıdy.

Atap aıtqanda, Soltústik Qazaqstan oblysynda jeldiń ekpini 23-28 m/s artady.

Aqmola oblysynda jeldiń kúshi 15-20 m/s quraıdy, kúndiz oblystyń soltústiginde ekpini 23-28 m/s jetedi.

Túrkistan oblysynda jeldiń jyldamdyǵy 15-20 m/s bolady, taýly aýdandarda ekpini 25 m/s kúsheıedi. Óńirdiń soltústiginde, batysynda shańdy daýyl turady.

Túnde Qyzylorda oblysynyń basym bóliginde, kúndiz soltústiginde naızaǵaı kútiledi, 15-20 m/s ekpindegi jeldiń jyldamdyǵy 23 m/s artady. Túnde Qaraǵandy oblysynyń soltústiginde, ortalyǵynda jeldiń kúshi 15-20 m/s quraıdy. Kúndiz basym bóliginde 15-20 m/s bolady, ekpini 23 m/s kúsheıedi.

Batys Qazaqstan oblysynyń soltústik-shyǵysynda naızaǵaı kútiledi, kúndiz oblystyń ońtústik-batysynda jel 15-20 m/s artady.

Kúndiz Aqtóbe oblysynyń batysynda, ońtústiginde naızaǵaı boljanady. Kúndiz ońtústikte jel 15-20 m/s kúsheıedi.

Túnde Atyraý oblysynyń ońtústiginde, kúndiz basym bóliginde jel 15-20 m/s jetedi.

Jambyl oblysynyń batysynda, ońtústik-batysynda, shyǵysynda, ońtústik-shyǵysynda 15-20 m/s ekpindegi jeldiń kúshi 23-28 m/s kúsheıedi.

Almaty oblysynda tańerteń jáne kúndiz jel 17-22 m/s artady. Mańǵystaý oblysynyń soltústiginde, Qostanaı oblysynyń ońtústiginde jáne soltústiginde, Shyǵys Qazaqstan oblysynyń soltústik-shyǵysynda, Pavlodar oblysynyń kúndiz ońtústiginde, batysynda 15-20 m/s jel kúsheıedi.


Basty sózder: Qazgıdromet, Aýa raıy,
Joǵary qaraı