Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańbyr, burshaq, daýyl – 12 óńirde eskertý jarııalandy

2022 jyldyń 26 mamyr 2022 20:25

NUR-SULTAN. QazAqparat – «Qazgıdromet» RMK 27 mamyrda aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, Almaty oblysynda jańbyr, burshaq, daýyl, naızaǵaı boljanady. Jeldiń jyldamdyǵy 23-28 m/s jetedi.

Batys Qazaqstan oblysynyń soltústiginde, batysynda naızaǵaı, burshaq, daýyl kútiledi. Jel ońtústik-batystan soǵady, oblystyń soltústiginde, batysynda ekpini 15-20 m/s quraıdy.

Túnde Aqmola oblysynyń batysynda, soltústiginde, ońtústiginde naızaǵaı boljanady. Batystan, soltústik-batystan jel soǵady, túnde jáne tańerteń óńirdiń soltústiginde, batysynda, ońtústiginde ekpini 15-20 m/s artady.

Kúndiz Shyǵys Qazaqstan oblysynyń shyǵysynda naızaǵaı oınap, kúndiz óńirdiń shyǵysynda jeldiń kúshi 15-20 m/s jetedi. Jarma aýdanynda, Semeı qalasynda tótenshe órt qaýpi saqtalady.

Túrkistan oblysynyń taýly aýdandarynda qatty jańbyr, burshaq jaýady. Oblystyń ońtústiginde, soltústiginde, batysynda, taýly jáne taý bókterli aýdandarynda naızaǵaı oınap, daýyl soǵady. Óńirdiń soltústiginde, batysynda shańdy daýyl bolady. Jeldiń ekpini 25 m/s jetýi yqtımal.

Shymkent qalasynda tańerteń jáne kúndiz naızaǵaı, daýyl kútiledi. Soltústik-batystan jel soǵady, kúshi 15-20 m/s artady.

Kúndiz Pavlodar oblysynyń ońtústiginde, shyǵysynda naızaǵaı boljanady. Soltústik-batystan jel soǵady, tańerteń jáne kúndiz óńirdiń soltústik-batysynda jyldamdyǵy 15-20 m/s quraıdy. Kúndiz 35 gradýs qatty ystyq kútiledi. Oblystyń ońtústiginde, ortalyǵynda tótenshe órt qaýpi saqtalady.

Soltústik Qazaqstan oblysynyń soltústiginde, batysynda, shyǵysynda naızaǵaı, daýyl, burshaq kútiledi. Ońtústik-shyǵystan soǵatyn jel soltústik-batysqa aýysyp, kúshi 23-28 m/s jetýi yqtımal.

Kúndiz Qyzylorda oblysynyń shyǵysynda naızaǵaı, ortalyǵynda shańdy daýyl kútiledi. 15-20 m/s kúshpen jel soǵady. Óńirdiń ortalyǵynda tótenshe órt qaýpi saqtalady.

Qostanaı oblysynyń soltústiginde, shyǵysynda naızaǵaı oınap, soltústik-batystan jel soǵady, ekpini 15-20 m/s artady.

Kúndiz Qaraǵandy oblysynyń ońtústiginde, ortalyǵynda naızaǵaı kútiledi. Batystan, soltústik-batystan jel soǵady, kúndiz óńirdiń ońtústiginde, shyǵysynda ekpini 15-20 m/s jetedi. Kúndiz oblystyń ońtústik-shyǵysynda 35 gradýs qatty ystyq saqtalady.

Kúndiz 27 mamyrda, táýlik boıy 28 mamyrda Jambyl oblysynyń ońtústiginde, batysynda, taýly aýdandarynda qatty jańbyr jaýady. Sondaı-aq eki kún óńirdiń ońtústiginde, batysynda, taýly aýdandarynda naızaǵaı, burshaq, daýyl kútiledi. Soltústik-batystan jel soǵady, ekpini 23-28 m/s jetýi múmkin.


Basty sózder: Qazgıdromet, Aýa raıy,
Joǵary qaraı