Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Janat Ahmetov Mádenıet jáne sport mınıstrliginiń apparat basshysy boldy

2022 jyldyń 27 mamyr 2022 11:08

NUR-SULTAN. QazAqparat - Qazaqstan Respýblıkasy mádenıet jáne sport mınıstriniń buıryǵymen Janat Sabyrjanuly Ahmetov Qazaqstan Respýblıkasy Mádenıet jáne sport mınıstrligi apparatynyń basshysy laýazymyna taǵaıyndaldy, dep habarlaıdy primeminister.kz.

Janat Ahmetov 1986 jyly Omby qalasynda (Reseı Federatsııasy) dúnıege kelgen. F. M. Dostoevskıı atyndaǵy Omby memlekettik ýnıversıtetin támamdaǵan.

Eńbek jolyn 2008 jyly QR Tótenshe jaǵdaılar mınıstrliginiń Memlekettik materıaldyq rezervter komıtetiniń Uıymdastyrý-quqyqtyq qamtamasyz etý basqarmasy sarapshysynyń m. a. bolyp bastady.

2008-2012 jyldary QR Tótenshe jaǵdaılar mınıstrliginiń qurylymynda sarapshy, bas sarapshy bolyp jumys istedi.

2012-2013 jyldary — QR Ekonomıkalyq damý jáne saýda mınıstrliginiń Zań departamentiniń Quqyqtyq qamtamasyz etý basqarmasynyń bas sarapshysy.

2013-2016 jyldary — QR Ekonomıka jáne bıýdjettik josparlaý mınıstrliginiń (2014 jyldan bastap Ulttyq ekonomıka mınıstrliginiń) Zań departamentiniń Quqyqtyq qamtamasyz etý basqarmasynyń basshysy.

2016-2019 jyldary — QR Aqparat jáne kommýnıkatsııalar mınıstrliginiń Zań departamenti dırektorynyń orynbasary.

2019 jylǵy sáýirden bastap qazirge deıin QR Aqparat jáne qoǵamdyq damý mınıstrliginiń Zań departamentiniń dırektory qyzmetin atqardy.


Joǵary qaraı