Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Jańaózende PTR zerthanasy ashyldy

2020 jyldyń 2 jeltoqsan 2020 22:05

AQTAÝ. QazAqparat - Jańaózen qalalyq aýrýhanasynda jańa memlekettik PTR zerthanasy ashyldy.

Laboratorııalyq ortalyq táýligine 300 analız qabyldaıdy, dep habarlaıdy QazAqparat tilshisi.

Bul týraly Qoǵamdyq kommýnıkatsııa ortalyǵynda ótken brıfıngte Mańǵystaý oblysy sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti.

Onyń aıtýynsha, oblystyq obaǵa qarsy kúres stantsııasynyń bazasynda jyljymaly («KAMAZ» júk kóliginiń ústinde) PTR zerthanasy da bar. Bul zerthana áli qoldanylmady. Qajettilik týyndaǵan jaǵdaıda júrmeli apparat kez-kelgen aýdanǵa jiberiledi.

Óńirde 2 jeltoqsandaǵy jaǵdaıǵa sáıkes, PTR tásilimen memlekettik jáne jekemenshik zerthanalarda (barlyǵy - 5) 175 853 (bir kúnde 1055 analız) adam tekserilip, onyń 3435 oń nátıje berdi. Ulttyq saraptama ortalyǵynda búgingi tańda 21955 test synamasy bar.

Oblysta 17 tamyzdan bastap 24 monıtorıng toby quryldy. Búgingi tańda monıtorıng toby 837 reıd júrgizip, 2475 nysan tekserildi. Reıd barysynda 142 nysanda buzýshylyqtar anyqtalyp, 114 (16 jeke kásipker, 97 jeke tulǵa, 1 zańdy tulǵa) ákimshilik hattama (9 mln. 431310 tg.) toltyryldy.

6-qazannan bastap, Ózbekstanmen shekaralas jatqan «Tajen» avtomobıl ótkizý pýnkti arqyly 10132 avtokólik jáne jaıaý jolaýshylar kirdi. Onyń ishinde: Tranzıttik avtokólik 9598, Qazaqstan Respýblıkasyna 221 avtokólik, 309 jolaýshy (71 jolaýshy PTR analızsiz, al 238 jolaýshy PTR analızimen), 4 tranzıttik jolaýshy ótti. Tekserilgen 71 azamattyń ishinen 2-nen oń nátıje anyqtaldy. Ekeýinde de vırýstyń shaǵymsyz túri bolǵandyqtan, olar úı karantınine alyndy.

Aqtaý halyqaralyq áýejaıy arqyly shet elderden 1826 jolaýshy ushyp keldi. Onyń ishinde 164 jolaýshyda PTR analızi bolmaýyna baılanysty, olar oqshaýǵa alynyp, koronavırýsqa tekserildi. Qorytyndylary teris.

«Taǵy bir aıta ketetin másele – jaqynda óńirdegi karantın sharalaryn jeńildetý boıynsha mınıstrlikke hat joldandy. Aldaǵy ýaqytta naqty sheshim qabyldanǵan jaǵdaıda, habarlaıtyn bolamyz», - dedi Ǵazız Nadýev.

Baspasóz konferentsııasynda Mańǵystaý oblystyq modýldi statsıonardyń basshysy Shaıahmadın Berqalıev te qatysty.

Onyń málimetinshe, medıtsınalyq ortalyqta 18 naýqas em alyp jatyr.

«Ortalyqta 24 saǵat boıy qyzmet kórsetetin rentgen kabıneti men KT bólmesi bar. Jansaqtaý bóliminde eki medıtsınalyq-medbıkelik beket, 2 sanıtarlyq beket jáne 1 dárigerlik beket jumys isteıdi. Kúndiz jansaqtaý bóliminde 2 reanımatolog dáriger qyzmet atqarady. Infektsııalyq bólimde 11 naýqas jatyr. Ottegi apparatyna ortasha jaǵdaıdaǵy 4 adam qosylýly. Modýldi statsıonarǵa negizinen, 55 jastan joǵary adamdar túsip jatyr. Naýqastar jaǵdaıynyń nasharlaýyna jedel tynys jetispeýshiligi jáne ilespe aýrýlardyń bolýy sebep», - dedi Shaıahmadın Berqalıev.





Joǵary qaraı