Aýa raıy
Astana 1 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jańaózende kósheden tabylǵan sábıdiń jaǵdaıy aýyr, mıyna qan quıylǵan - dárigerler

2020 jyldyń 21 qyrkúıek 2020 20:21

AQTAÝ. QazAqparat - Jańaózende tabylǵan tastandy náresteniń jaǵdaıy turaqty aýyr, dep habarlaıdy QazAqparat tilshisi.

Jańaózen qalalyq kópsalaly aýrýhanasynyń dırektory Jańabaı Ońaıbaevtyń aıtýynsha, tekseris kezinde onyń mıyna qan quıylǵany anyqtalǵan. Sondaı-aq, dáriger balanyń basqa da jaraqattary baryn aıtty.

«Tekserýden keıin balanyń mıyna qan quıylǵany jáne bas súıeginde basqa da jaraqat bary anyqtaldy. Náresteniń qalaı jaraqat alǵanyn dóp basyp aıtý qıyn. Óıtkeni, anasynyń qashan jáne qalaı bosanǵanyn bilmeımiz. Qazirgi ýaqytta jańa týǵan nárestege qajetti em-dom jasaldy. Zond arqyly tamaqtanady», – deıdi Jańaózen kópsalaly aýrýhanasynyń dırektory.

Dárigerler shaqalaqqa Baqyt Rahat esimin bergen. Balanyń tegi ózi tabylǵan shaǵynaýdannyń atymen sáıkes keledi. Polıtseıler balanyń bıologııalyq anasyn áli tappady.

Esterińizge sala keteıik, 13 qyrkúıekte Jańaózendegi «Rahat» aýdanyndaǵy kóshelerdiń birinen tastandy náreste tabyldy. Turǵyndar jylap jatqan balanyń daýysyn estip, 103-ke qońyraý shalady.

Jedel járdem brıgadasy jańa týǵan náresteni Jańaózen qalalyq kópsalaly aýrýhanasyna jetkizgen.

Balanyń salmaǵy - 2 keli 740 gramm, boıy - 49 santımetr.


Avtor Qarakóz Marat
Basty sózder: Oqıǵa, Mańǵystaý oblysy,
Joǵary qaraı