Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańaqorǵan kentiniń kóshelerin tolassyz jańbyr sýy basyp qaldy

2022 jyldyń 19 qańtar 2022 22:23

QYZYLORDA. QazAqparat - Qyzylorda oblysy Jańaqorǵan kentinde tolassyz jaýǵan jańbyrdyń saldarynan aýdan ortalyǵy kóshelerin sý basyp qaldy, dep habarlaıdy QazAqparat tilshisi.

Búgin aýdanda tabıǵat tosyn minez kórsetti. Tańerteńgi ýaqyttan bastap qar aralas jaýǵan jańbyr turǵyndarǵa birshama qolaısyzdyq týǵyzdy. Jol qatynasynda edáýir qıyndyq týyndady. Bul maqsatta kent ákimdigi tarapynan shuǵyl sharalar júrgizilgen.

«Kent ákimdigi aýdandyq tótenshe jaǵdaılar bólimi mamandarymen birlesip tıisti jumystardy qolǵa aldy. Sýdy tartatyn tehnıkalar jumyldyrylyp, olqylyqtyń orny toltyryldy. Qazir sý basý qaýpi bar kóshelerde arnaıy sý tartatyn tehnıkalar jumysqa kiristi. Aldaǵy ýaqytta eskirgen, buzylǵan sý joldaryn qalpyna keltirý nemese tolyqtaı jańalaý baǵytynda jumystar júrgiziledi», - dedi kent ákimi Sardarmuhamedýalı Sadyqov.






Joǵary qaraı