Aýa raıy
Astana 5 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Jańaarqada tutas bir shaǵynaýdannyń qurylysy júrip jatyr

2019 jyldyń 14 qarasha 2019 13:03

ATASÝ. QazAqparat - Jańaarqa aýdanynda turǵyn úı qurylysy qarqyndy júrgizilýde. Atasý kentinde tutas shaǵynaýdan salynyp jatyr. Qurylys jumystarynyń barysy týraly Qaraǵandy oblysynyń ákimine osy aýdanǵa jumys sapary kezinde aıtyldy, dep habarlaıdy QazAqparat tilshisi.

«Bıyl respýblıkalyq bıýdjetten 461 mıllıon teńge bólindi. Bul qarajatqa «Jańa Nur» shaǵyn aýdanynda jeti úı salyndy. Jyl sońyna deıin 8 páterli eki úıdi tapsyrý josparlanyp otyr. Qalǵan beseýi kelesi jyly paıdalanýǵa beriledi», - dedi aýdan ákiminiń orynbasary Baqytjan Muqanov.

«Jańa nur» shaǵynaýdanynda 12 úı salynady. Bolashaqta munda áleýmettik nysandar da paıda bolady.

Baqytjan Muqanovtyń aıtýynsha, 2020 jyly «Nurly jer» baǵdarlamasy boıynsha taǵy eki úsh qabatty úıdiń qurylysy bastalady.

«Sondaı-aq 39 jeke úıdiń ınfraqurylymyn damytý úshin qarajat bólindi. Turǵyn úı qurylysy boıynsha bes jyldyq jospar daıyndalýda», - dedi Jańaarqa aýdany ákiminiń orynbasary.

Jeńis Qasymbek munda turatyn kópbalaly otbasylardyń turǵyn úı kezeginde turǵanyn jáne olardyń turǵyn úı máselesi qalaı sheshilgenin surady.

«Bıyl «Nurly jer» baǵdarlamasy aıasynda 20 kópbalaly otbasyna úı berildi. Olarǵa respýblıkalyq bıýdjetten ekinshi turǵyn úı satyp alýǵa qarjy bólindi. Búgingi tańda turǵyn úıge kezekte 75 kópbalaly otbasy tur, onyń 4-eýi jeltoqsan aıynda jańa shaǵyn aýdanda óz baspanasyn alady», - dedi Baqytjan Muqanov.

Jalpy, Jańaarqa aýdanynda turǵyn úı kezeginde 880 adam tur.



















Joǵary qaraı