Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa jyldyń basynan beri Almatyda qansha júkti áıel koronavırýspen aýyrdy

2022 jyldyń 24 qańtar 2022 19:54

ALMATY. QazAqparat - Almatyda jyl basynan beri 2 myńnan astam áıel koronavırýs pen pnevmonııany juqtyrǵan, dep habarlaıdy QazAqparat tilshisi.

Agenttiktiń resmı saýalyna Almaty qalasynyń qoǵamdyq densaýlyq saqtaý basqarmasy 2022 jyldyń 1 qańtary men 24 qańtary aralyǵynda COVID-19-ben aýyrǵandardyń jalpy sany 2173 adamdy quraıtyny týraly jaýap berdi.

«Jalpy 1257 áıel emdelýde, onyń 1038-i ambýlatorlyq, al júkti 219 áıel statsıonarlyq em alýda. Jańa jyldyń basynan beri júkti áıelder arasynda koronavırýstan qaıtys bolǵandar tirkelgen joq», - dep habarlady vedomstvodan.

Eske salaıyq, megapolıste koronavırýs boıynsha epıdemıologııalyq jaǵdaı turaqty emes. Qazaqstan aımaqtarynda epıdemıologııalyq jaǵdaıdy baǵalaý matrıtsasyna sáıkes, Almaty 12 qańtardan bastap «qyzyl» aımaqqa kirdi.

Almaty ákimi Baqytjan Saǵyntaev koronavırýsqa qarsy ekpe jáne revaktsınatsııalaý jumystaryn kúsheıtýdi tapsyrdy. Almatylyqtarǵa arnaǵan sózinde ákim ekpeni keshiktirmeýge, al odan ótken adamdarǵa býsterlik egýdi qoıýǵa keńes berdi.


Avtor Dýman Arǵyngeldi
Basty sózder: Almaty, Koronavırýs,
Joǵary qaraı