Aýa raıy
Astana -22 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

«Jańa jaǵdaıdaǵy jastar: is-qımyl kezeńi» taqyrybynda onlaın dıalog ótti

2020 jyldyń 21 qarasha 2020 16:50

NUR-SULTAN. QazAqparat - Qazaqstan Respýblıkasy Aqparat jáne qoǵamdyq damý mınıstrliginiń qoldaýymen «ZEREN» respýblıkalyq jastar bilim berýjobasy aıasyndajastardy kásipkerlik qyzmetke tartý tetikterin damytý men jetildirýdi talqylaý boıynsha «Jańa jaǵdaıdaǵy jastar: is-qımyl kezeńi» taqyrybynda onlaın dıalog ótti.

Dıalog alańyna QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, QR Parlamenti Májilisiniń depýtaty, «Halyq Qaharmany» Baqytjan Ertaev,
QR Ulttyq Kásipkerler palatasy Basqarma tóraǵasynyń orynbasary Oljas Ordabaev, sondaı-aq jas kásipkerler, jastar belsendileri, jastar uıymdarynyń kóshbasshylary, sarapshylar jáne basqa da túrli baǵyttaǵy mamandar qatysty.

Spıkerler Qazaqstannyń ІT-salasynyń damý perspektıvalary, otandyq startap-jobalardy iske asyrý jáne jastar kásipkerligin qoldaýy týraly aıtty.

Dástúr boıynsha «ZEREN» jobasynda jastar qatysa alatyn birqatar baǵyttar kózdelgen jáne bıylǵy jyly olardyń barlyǵy onlaın-formatta uıymdastyrylýda.

Online Bilim - azamattyq belsendilik, jastardyń kásipkerligi, aqparattyq tehnologııalar, tulǵalyq damý, volonterlik qyzmet taqyryptarynda Qazaqstannyń 25 úzdik spıkeri trenıngter ótkizetin bilim berý alańy.

Online Dialog - túrli salalarda pikir almasýǵa arnalǵan pikirtalas alańy. Online Dialog baǵyty aıasynda jastar belgili tulǵalarmen memlekettik jastar saıasatyn júzege asyrýdyń ózekti máselelerin ashyq talqylaıdy jáne konstrýktıvtik bastamalar men qyzyqty ıdeıalardy usynady.

Jalpy, joba zııatkerlik daǵdylar men jeke kapıtaldy damytý maqsatynda memleket pen jastar arasyndaǵy dıalog úshin jańa múmkindikter jasaýǵa baǵyttalǵan.


Basty sózder: Jastar, Bilim, Kásipkerlik, bıznes,
Joǵary qaraı