Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa Zelandııada sýpermarkettegi shabýyldan bes adam zardap shekti

2021 jyldyń 10 mamyr 2021 14:11

SIDNEI. TASS-QazAqparat – Jańa Zelandııanyń Danıdın qalasynyń ortalyǵyndaǵy sýpermarkette belgisiz adamnyń pyshaqpen shabýyl jasaýy saldarynan kem degende bes adam zardap shekti. Bul týraly dúısenbi kúni Jańa Zelandııa polıtsııasy málim etti, dep habarlaıdy QazAqparat TASS agenttigine silteme jasap.

«Danıdın ortalyǵyndaǵy Kamberlend-strıtte bolǵan oqıǵa ornyna polıtsııa kúshteri 14:30 shamasynda (Nur-Sultan ýaqytymen 20:31) jetti. Aldyn ala aqparat boıynsha, birneshe adam pyshaqtalǵan. Bir adam qamaýǵa alyndy», - delingen vedomstvo habarlamasynda.

The New Zealand Herald basylymynyń deregine saı, belgisiz adamnyń pyshaqpen shabýyl jasaýy saldarynan kem degende bes adam zardap shekken, eki adam orta deńgeıdegi jaraqattar alǵan, úsh adam aýrýhanaǵa aýyr jaǵdaıda jetkizildi. Oqıǵa ornyna biraz polıtsııa kúshteri men birneshe jedel járdem mashınasy jumyldyryldy. Sýpermarket turǵan ǵımarat evakýatsııalandy. Polıtsııa bolǵan oqıǵa boıynsha zertteý júrgizýde.


Basty sózder: Oqıǵa, Álem,
Joǵary qaraı