Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa ýtılızatsııalyq alym aqpan aıynyń sońyna deıin bekitiledi - mınıstrlik

2022 jyldyń 19 qańtar 2022 19:34

NUR-SULTAN. QazAqparat – Ýtılızatsııalyq alymnyń koeffıtsıentterin qaıta qaraý vedomstvoaralyq jumys toby quryldy. Bul týraly QR Ekologııa, geologııa jáne tabıǵı resýrstar mınıstrliginen málim etti, dep habarlaıdy QazAqparat tilshisi.

«2022 jylǵy 11 qańtarda QR Parlamenti Májilisiniń otyrysynda sóılegen sózinde Memleket basshysy Qasym-Jomart Toqaev «ÓKM Operatory» JShS-niń kádege jaratý alymyn júrgizý jáne kádege jaratý alymyna ıelik etýdi toqtatý jóninde is-sharalar qabyldaýǵa tapsyrma berdi. Osy tapsyrmany oryndaý aıasynda 2022 jylǵy 18 qańtarda QR Úkimeti «Qazaqstan Respýblıkasynyń Ekologııa, geologııa jáne tabıǵı resýrstar mınıstrligine vedomstvolyq baǵynysty uıymdardyń keıbir máseleleri týraly» qaýly qabyldady. Osyǵan baılanysty óndirýshilerdiń (ımporttaýshylardyń) keńeıtilgen mindettemeleriniń operatory bolyp memlekettik uıym retinde «Jasyl damý» aktsıonerlik qoǵamy aıqyndaldy. «ÓKM Operatory» JShS-niń kádege jaratý alymyn ákimshilendirý jáne tıisti qarajattarǵa bılik etý bóligindegi qyzmeti toqtatyldy», - dep atap ótedi mınıstrlikten.

Vedomstvo málimetinshe, búgingi kúni tıisti ýákiletti organdar aktıvterdi memlekettik menshikke berý, ýákiletti organdardyń qorytyndylaryn usyný, «Jasyl damý» AQ balansyna berý, aktsıonerlik qoǵamdy ádilet organdarynda qaıta tirkeý jáne basqa da is-sharalardy qabyldap jatyr.

Aıta keterligi, «Jasyl damý» aktsıonerlik qoǵamy QR Ekologııa, geologııa jáne tabıǵı resýrstar mınıstrliginiń qaramaǵyndaǵy uıym sanalady.

«Ýtılızatsııalyq alymnyń koeffıtsıentterin tómendetý máselesi boıynsha QR Memleket basshysynyń tapsyrmasyna sáıkes kádege jaratý alymynyń koeffıtsıentterin qaıta qaraý boıynsha vedomstvoaralyq jumys toby quryldy. Bul mólsherlemeler osy jyldyń aqpan aıynyń sońyna deıin qaralyp, bekitiledi. Joǵaryda kórsetilgen jumys tobynyń qyzmet nátıjeleri týraly aqparat mınıstrliktiń ınternet-resýrsynda ornalastyrylady. Kórsetilgen ýaqytqa deıin kádege jaratý alymy «Jasyl damý» AQ operatoryna qoldanystaǵy mólsherlemeler boıynsha tólenýde», - delingen mınıstrlik aqparatynda.
Eske salsaq, ýtılızatsııalyq alym máselesin retteý úshin Ekologııa, Qarjy jáne Ulttyq ekonomıka mınıstrlikteri Úkimetke birlesken usynys ázirlep, engizetin boldy.

Sonymen qatar Memleket basshysy Qasym-Jomart Toqaev ýtıldik alym stavkalaryn qaıta qaraýdy tapsyrdy.

«Kásipkerler men jalpy qoǵamda «Operator ROP» kompanııasynyń qyzmeti kóptegen suraq týyndatyp otyr. Tipti osy jeke kompanııaǵa qarsy qoǵamdyq qozǵalys ta uıymdastyryldy. Men Úkimetke «Operator ROP» ýtıldik alym jınaýyn ákimshilendirýdi tyıym salýyn tapsyramyn. Munymen shet memleketterdegideı memlekettik uıym aınalysýy kerek. Alymdardyń ózine kelsek, olardyń stavkasy qaıta qaralýy tıis», - dedi Prezıdent.





Joǵary qaraı