Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jańa óndiristi yntalandyrý úshin grant berilmek

2021 jyldyń 26 aqpan 2021 11:36

NUR-SULTAN. QazAqparat – Qazaqstanda jańa óndiristi yntalandyrý úshin ónerkásiptik grant berilmek. Bul týraly Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Otandyq ónerkásiptiń básekege qabilettiligin arttyrý máselelerin retteý birqatar baǵyt boıynsha júzege asyrylady. Eńbek ónimdiligin arttyrý – osy kórsetkishtiń monıtorıngin ónerkásipti yntalandyrý salasyndaǵy ýákiletti organ turaqty negizde júzege asyrady. Investıtsııalardy tartý maqsatynda Biryńǵaı ınvestıtsııalyq karta ázirlenedi. Óńirlerdi yntalandyrý, olardyń róli men jaýapkershiligin kúsheıtý jáne operatorlardy tartý ǵa jańa jaǵdaılar jasaý bóliginde Indýstrııalandyrý kartasyn qalyptastyrý boıynsha jańa tásilder bekitiledi», - dedi Beıbit Atamqulov Senatta ótip jatqan «QR ónerkásiptik saıasatty zańnamalyq retteý: jaı-kúıi, problemalary jáne sheshý joldary» taqyrybyndaǵy Úkimet saǵatynda.

Shıkizatty qaıta óńdeýdi tereńdetý úshin Qazaqstan aýmaǵynda óndirilmeıtin shıkizat pen jınaqtaýyshtardy bajdan bosatýdy kózdeıtin Strategııalyq ónim tizbesin engiziledi. Osy arqyly otandyq shıkizatqa qol jetkizýdi qamtamasyz etý jáne joǵary sapaly ónim shyǵarý tetigi pysyqtalady.

«Jabdyqtardy jańǵyrtý jáne shyǵyndardy birlesip qarjylandyrý arqyly jańa óndiris qurý maqsatynda zań jobasymen yntalandyrýdyń jańa quraly – ónerkásiptik grantty berý kózdelgen», - dedi ol.


Joǵary qaraı