Aýa raıy
Astana 8 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Jańa oqý jylynda oqýshylarǵa arnalǵan ınternet tarıftik jospary iske qosylady

2020 jyldyń 6 tamyz 2020 16:28

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi qashyqtan bilim berýdi qoldaý maqsatynda uıaly baılanys operatorlarymen birlesip, mektep oqýshylary men stýdentterge jáne muǵalimderge arnalǵan arnaıy tarıftik jospar shyǵarý máselesin pysyqtap jatyr. Bul týraly QazAqparat tilshisi vedomstvonyń baspasóz qyzmetine silteme jasap habarlaıdy.

QR Tsıfrlyq damý, ınnovatsııalar jáne aeroǵarysh ónerkásibi mınıstriniń mindetin atqarýshy Baǵdat Mýsınniń aıtýynsha, tarıftik josparda otandyq beıne-konferents baılanys júıesin qosa alǵanda, QR Bilim jáne ǵylym mınıstrligi maquldaǵan otandyq (jergilikti jáne QR aýmaǵyndaǵy) 380 bilim berý resýrsyn shekteýsiz paıdalaný qarastyrylǵan.

«Bilim» tarıftik josparynyń abonenttik tólemi aıyna 990 teńge. Bul tarıftik jospardy 20 tamyzdan keıin qoldanýǵa bolady. Jańa tarıftik josparǵa qosylý sharttaryn qazir Bilim jáne ǵylym mınıstrligi pysyqtap jatyr. Sondaı-aq, baılanys operatorlary 1 GB ınternet trafıgin qosymsha usynady», - dedi Baǵdat Mýsın.

Bul is-shara QR Tsıfrlyq damý, ınnovatsııalar jáne aeroǵarysh ónerkásibi mınıstrligi, QR Bilim jáne ǵylym mınıstrligi jáne baılanys operatorlary arasynda qazaqstandyqtardyń bilim berý resýrstaryna shekteýsiz qosylý jónindegi yntymaqtastyq memorandýmyn qabyldaý nátıjesinde júzege asyrylǵan.

Budan ózge, mınıstrlik tirkelgen baılanys operatorlarymen birge tıisti taldaý júrgizip, operatorlardyń mektepterdegi ınternet jyldamdyǵyn
8 Mbıt/sek deıin qosý/arttyrý múmkindigin anyqtady.

Osy boıynsha tıisti aqparat jergilikti ákimdikterge joldandy. Jergilikti ákimdikter mektepterdi ınternetpen qamtý boıynsha jumys júrgizýi kerek.


Joǵary qaraı