Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa oqý jylynda «Eńbekke baýlý» páni qaıta engiziledi

2022 jyldyń 20 mamyr 2022 12:08

NUR-SULTAN. QazAqparat – Bıyldan bastap jańa oqý jylynda 1-synyptan bastap «Eńbekke baýlý» páni qaıta engiziledi. Bul týraly Senattaǵy jastardy qoldaý taqyrybyna arnalǵan parlamenttik tyńdaýda Premer-Mınıstrdiń orynbasary Eraly Toǵjanov málim etti, dep habarlaıdy QazAqparat tilshisi.

«Eńbekke baýlýdyń urpaq tárbıesindegi mańyzy zor ekeni belgili. Sondyqtan jańa oqý jylynda 1-synyptan bastap «Eńbekke baýlý» páni qaıta engiziledi. Joba retinde mektepter janynda jylyjaılar ashý qolǵa alynady. Búginniń ózinde 7%-ǵa jýyq mektepte bul tájirıbe bar», - dedi E. Toǵjanov.

Onyń aıtýynsha, alǵash ret bıyldan bastap mektepterde 7-synyptan bastap bolashaq mamandyqty tańdaýǵa baǵyttaıtyn «pedagog-kásiptik baǵdar berýshi» mamany engiziledi.

Budan buryn habarlanǵandaı, Senat tóraǵasy M. Áshimbaev barlyq reformanyń túpki maqsaty da jastardyń ál-aýqatyn arttyrýǵa ári olardyń damýyna jaǵdaı jasaýǵa arnalǵanyn atap ótti .

Sonymen qatar ol ýnıversıtet bitirgen túlekterge eńbek naryǵynda suranys joq ekenin aıtty.


Avtor Rýslan Ǵabbasov
Basty sózder: Mektep, Senat, Parlament, Bilim,
Joǵary qaraı