Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa Qazaqstandy birge quraıyq: Assambleıa halyqqa úndeý jarııalady

2022 jyldyń 19 qańtar 2022 05:10

NUR-SULTAN. QazAqparat – Qazaqstan halqy Assambleıasy sońǵy kúnderi elde bolǵan jaǵdaıǵa baılanysty turǵyndarǵa úndeý joldady, dep habarlaıdy QazAqparat tilshisi.

Búgin búkil Qazaqstan halqy «qaıǵyly qańtar» oqıǵasynyń saldaryn joıýda kúsh biriktirdi. Qazaqstan Prezıdenti Q.K. Toqaevtyń tabandy jáne ýaqytyly júzege asyrǵan sheshimderiniń, sondaı-aq qazaqstandyqtardyń birligi men tatýlyǵynyń arqasynda biz tarıhymyzdaǵy kúrdeli kezeńdi eńsere aldyq. Osy kúnderi Qazaqstan halqy Assambleıasynyń músheleri Prezıdentpen, halyqpen birge bolyp, búginde qalpyna keltirý jumystaryna belsendi qatysýda. Sondaı-aq «qaıǵyly qańtar» sabaqtary bizdi el damýynyń bolashaq baǵdaryn tereń uǵynýǵa mindettedi, kúndelikti ómirimizde «beıbitshilik», «birlik» jáne «qoǵamdyq kelisim» sııaqty basty qundylyqtar qoǵam órkendeýiniń irgeli negizderi bolyp tabylatynyn aıqyn kórsetti», - delingen úndeýde.

Sondaı-aq, Qazaqstan halqy Assambleıasy basshylyǵy men músheleri, Prezıdent kótergen bastamalardy tolyq qoldap, ortaq isti barsha bolyp jumylyp júzege asyrýǵa shaqyryp otyr.

«Búginde biz áleýmettik ádilettilik, halyqtyń ál-aýqaty jáne qoǵamdaǵy birlik pen qaýipsizdikti nyǵaıtý mańyzdy ról atqaratyn jańa Qazaqstandy qurý qarsańynda turmyz. Biz elimizdiń ekonomıkasyn, saıasatyn, áleýmettik salasyn tereń qurý protsesine - jańa Qazaqstandy qurý men damytý kezeńine aıaq basýdamyz. Biz, Qazaqstan halqy Assambleıasynyń músheleri, Prezıdenttiń osy mańyzdy jáne ýaqtyly bastamalaryn tolyq qoldaımyz jáne ortaq kúsh-jigerimizben elimizdi budan da qýatty jáne gúldengen elge aınaldyratynymyzǵa nyq senimdimiz», - deıdi assambleıa músheleri.

Odan bólek, úndeýde qaıyrymdylyq sharasy Qazaqstan halqy Assambleıasy qyzmetiniń basymdy baǵytarynyń biri bolyp qala beretindigi aıtylǵan.

«Memleket basshysynyń tapsyrmasy boıynsha «Qazaqstan halqyna» qoǵamdyq áleýmettik qory quryldy, bul uıym densaýlyq saqtaý, bilim berý jáne áleýmettik qoldaý, mádenıet jáne sport sııaqty salalarda Qazaqstan halqyna áleýmettik kómek kórsetý boıynsha mindetterdi oryndaıtyn bolady. «Qazaqstan halqyna» áleýmettik qory – bul bizdiń ortaq áleýmettik jaýapkershiligimizdiń jalpyulttyq ınstıtýty dep esepteımiz. Biz – Qazaqstan halqy Assambleıasynyń músheleri, eldegi beıbitshilikti, qoǵamdyq kelisim men jalpyulttyq birlikti nyǵaıtýdaǵy jaýapkershilikti sezine otyryp, Memleket basshysynyń Jańa Qazaqstandy qurýdaǵy júıeli bastamalaryn is júzinde oryndaýda barlyq azamattardy toptasýǵa shaqyramyz. Otanymyzdyń tarıhyndaǵy osy jaýapty kezeńde árqaısymyz Táýelsizdigimizdiń basty qundylyǵy – birlik pen kelisimdi kózdiń qarashyǵyndaı saqtaıtyndyǵyna kámil senemiz! Jańa Qazaqstandy Birge quraıyq!», - degen úndeý tastady Qazaqstan halqy Assambleıasy halyqqa.

Joǵary qaraı