Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa qaýly shyqty: Nur-Sultan qalasynda karantın talaby kúsheıtiledi

2021 jyldyń 15 shilde 2021 00:33

NUR-SULTAN. QazAqparat – Nur-Sultan qalasynyń bas sanıtar dárigeri Sarhat Beısenovanyń jańa qaýlysy shyqty, dep habarlaıdy QazAqparat.

Jańa qaýlyǵa sáıkes Nur-Sultan qalasynyń turǵyndary men qonaqtaryna kelesi talaptardy qatań saqtaý jalǵastyrylady:

«Ashyq» jobasyna qatysatyn obektilerde eske alý sharalaryn ótkizýdi qospaǵanda, otbasylyq, eske alý is-sharalardy qosa alǵanda, buqaralyq is-sharalardy, onyń ishinde úıde (banketter, úılený toılary, mereıtoılar, eske alý jáne t. b.) ótkizýge jáne olarǵa qatysýǵa, sondaı-aq mıtıngiler, sherýler, jıyndar jáne t. b. uıymdastyrýǵa jáne ótkizýge tyıym salý;

Qyzmeti jańartylmaǵan nemese tyıym salynǵan obektilerge: boýlıng-ortalyqtarǵa, kompıýterlik klýbtarǵa, PlayStation klýbtaryna, kınoteatrlarǵa, bılıardqa, karaokege, batýttarǵa, túngi klýbtarǵa, býkmekerlik keńselerge jáne oıyn klýbtaryna, onyń ishinde jabyq úı-jaılardaǵy lotereıa utys oıyny, balalardyń oıyn-saýyq ortalyqtaryna, balalardyń oıyn bólmelerine, oıyn alańdary men attraktsıondaryna, sporttyq obektilerde ornalasqandardy qospaǵanda («Ashyq» jobasyna qatysatyn obektilerdi qospaǵanda), onyń ishinde muzdy jáne rolıkti syrǵanaqtarǵa barmaý;

«Ashyq» jobasyna qatysatyn kásipkerlik obektilerine kirý úshin App Store jáne Play Market-ten júkteý úshin qoljetimdi «Ashyq» mobıldi qosymshasyn paıdalaný qajet;

Qoǵamdyq oryndarǵa, onyń ishinde qalalyq qoǵamdyq kólikterge, qyzmetine ruqsat etilgen obektilerge barǵan kezde, sondaı-aq qoǵamdyq oryndarda ashyq aýada bolǵan kezde (ashyq aýada sportpen shuǵyldaný kezinde jáne 5 jasqa deıingi balalardy qospaǵanda) betperde kııý, qashyqtyqty saqtaý jáne antıseptıkterdi paıdalaný jónindegi talaptardy qatań saqtaý.

Sondaı-aq, mindetti túrde 2 metrden kem emes áleýmettik qashyqtyqty saqtaı otyryp, jeke tártippen jáne 5 adamnan aspaıtyn adamdar tobymen ashyq aýada sporttyq jattyǵýlar ótkizýge ruqsat beriledi.

Odan bólek kelesi kásipkerlik obektilerinde «Ashyq» jobasyn iske asyrýdy jalǵasyn tabady:

1) ıoga ortalyqtaryn qosa alǵanda, fıtnes-klýbtary;

2) spa-ortalyqtary;

3) saýnalar, basseınder;

4) PlayStation klýbtaryn qosa alǵanda, kompıýterlik klýbtary (16 jasqa deıingi tulǵalardy qospaǵanda);

5) boýlıng klýbtary;

6) kınoteatrlar;

7) teatrlar men fılarmonııalar;

8) ashana úlgisindegi strıt-fýd obektilerin qospaǵanda, qoǵamdyq tamaqtandyrý obektileri, jazǵy alańdar, fýd-korttar, banket zaldary;

9) oblysaralyq jáne qalalyq turaqty emes (týrıstik) tasymaldar;

10) bılıard klýbtary;

11) kontsert zaldary;

12) erikti qatysýshylar.

13) karaoke;

14) kórmeler;

15) okeanarıým;

16) marafondar;

17) kórermendermen sporttyq is-sharalar.

18) lotereıa klýbtary jáne lotereıany ótkizýdiń ózge de núkteleri;

19) balalar oıyn-saýyq ortalyqtary (jabyq);

20) tsırkter;

21) qonaq úıler, otelder.

Sondaı-aq, qalalyq qoǵamdyq kóliktiń jumysy (qarbalas saǵattarda avtobýstar sanynyń ulǵaıýymen, sońǵy aıaldamada dezınfektsııalaý quraldarymen salondy óńdeý, barlyq esikterdi ashý, jolaýshylarǵa qoljetimdi oryndarda teri antıseptıgi bar sanıtaızerlerdi ornatý, áleýmettik qashyqtyqty mindetti túrde saqtaı otyryp jáne jolaýshylar men júrgizýshilerdiń betperdelerdi kıip júrýi) jumys kúnderi shtattyq kestege sáıkes júredi, senbi jáne jeksenbi kúnderi jumystaryna tyıym salynady.

Jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen qamtamasyz etetin «Ashyq» jobasyna qatysatyn qoǵamdyq kólik obektilerin qospaǵanda, qalaaralyq, oblysishilik avtobýs pen shaǵyn avtobýs tasymaldarynyń jumysyna tyıym salnady.

Sondaı-aq, dinı birlestikter obektileriniń jumysyn (meshitter, shirkeýler, soborlar, sınagogalar jáne t. b.) jumys kúnderi kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen, onyń ishinde ashyq aýada meshitter, pravoslavıe shirkeýleri jáne basqa dinı obektiler aýmaǵynda buqaralyq is-sharalardy (juma namazy, dinı joralar jáne t. b.) ótkizýge, sondaı-aq 30-dan aspaıtyn adamnyń qatysýymen eske alýdy ótkizýdi qosa alǵanda «Ashyq» jobasyna qatysatyn qoǵamdyq tamaqtaný obektilerin qospaǵanda, olarda ornalasqan qoǵamdyq tamaqtandyrý obektileriniń jumysyna tyıym salýmen uıymdastyrý, senbi jáne jeksenbi kúnderi osy pýnktte kórsetilgen barlyq obektilerdiń jumysyna tyıym salý;

Sot otyrystaryn olardy qashyqtyqtan ótkizý múmkindiginiń bolmaýy negizdelgen jaǵdaıda № 68 QR BMSDQ-nyń qosymshasyna sáıkes algorıtmdi saqtaı otyryp ótkizýdi qospaǵanda, keńesterdi, otyrystardy kúndizgi rejımde ótkizýge tyıym salý;

HQKO jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaǵan jaǵdaıda, jumys kúnderi saǵat 09:00-den 18:00-ge deıin jumys kestesin belgileı otyryp, senbi jáne jeksenbi kúnderi jumysyna tyıym salýmen uıymdastyrý;

«Qazpochta» AQ-nyń jumysyn onlaın rejıminde kórsetilmeıtin qyzmetter bóliginde kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, jumys kestesi jumys kúnderi saǵat 09:00-den 18:00-ge deıin belgileı otyryp, senbi jáne jeksenbi kúnderi jumysyna tyıym salýmen uıymdastyrý;

Onlaın rejıminde kórsetilmeıtin qyzmet bóligindegi uıaly baılanys operatorlarynyń abonenttik bólimsheleriniń jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, jumys kúnderi saǵat 09:00-den 18:00-ge deıin belgilep, senbi jáne jeksenbi kúnderi jumystaryna tyıym salýmen uıymdastyrý — jańa qaýly talaby.

Avtor Erbol Janat
Basty sózder: Nur-Sultan, Koronavırýs, Karantın,
Joǵary qaraı