Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa qaýly: ShQO-da úıirmelerge 15 baladan asyrmaı jumys isteýge ruqsat berildi

2021 jyldyń 27 qyrkúıek 2021 21:10

ÓSKEMEN. QazAqparat – Shyǵys Qazaqstan oblysynda úıirmelerge 15 baladan asyrmaı jumys isteýge ruqsat berildi, dep habarlaıdy QazAqparat tilshisi.

ShQO ,as memlekettik sanıtar dárigeriniń jańa qaýlysy jarııalandy.

Onda jazylǵandaı, búginde óńirde COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń tolý deńgeıi – 17,7%.

Oblys boıynsha ınfektsııanyń reprodýktıvtik R sany – 0,974.

«Medıtsınalyq-áleýmettik obektilerdiń jáne ardagerler men múgedekterge arnalǵan ońaltý ortalyqtarynyń jumysyna ruqsat berildi. Alaıda kúsheıtilgen sanıtarlyq-dezınfektsııalyq rejım saqtalýy tıis. Sektsııalar, úıirmeler, fakýltatıvter, balalar jáne eresekterge arnalǵan bilim berý ortalyqtary kelýshiler arasyndaǵy qashyqtyqty saqtaý shartymen jumys isteıdi. Sondaı-aq bir topta 15 baladan aspaýy kerek», - delingen qujatta.

Arnaıy bilim berý uıymdarynyń da (psıhologııalyq-medıtsınalyq-pedagogıkalyq konsýltatsııalar, psıhologııalyq-pedagogıkalyq túzetý kabınetteri, ońaltý ortalyqtary) jumysyna ruqsat berilgen.

Sabaqtar sanıtarlyq-epıdemıologııalyq talaptardy saqtaı otyryp jáne bilim berý uıymynyń basshysy bekitetin jeke keste boıynsha shtattyq rejımde ótkiziledi.


Joǵary qaraı